للشاعر مصلح بن براك الحربي إلهي عظيم الشان يا هـا زام الاحـزاب

إلهي عظيم الشان يا هـا زام الاحـزاب=تلفـت مـا عينـت غيـرك يواسيـنـي
انا اللي على طول الليالي اصـك البـاب=على المعصية ما كـن عينـك تراعينـي
امرغ جبينـي وانفـي المرتفـع بتـراب=وكلـي آمـل تمحـى ذنوبـي وتهدينـي
إلهي عظيم الشأ ن يا يالواحـد التـواب=طلبتـك ترجّـح بالقيامـة مـوا زينـي
وتجعللي الفردوس منزل بغيـر حسـاب=دخيلـك إلهـي مـن جهنـم تنجيـنـي
وترحـم عيونـا دمعهـا منتثـر سكـاب=تخاف القبـر والـدود بالمرقـد الطينـي
إذا دمدمو قبري ورزوا علـي انصـاب=وكم عين تشمتبـي وكـم عيـن تبكينـي
بكوا ثم نسيو ثـم صكـو وراي البـاب=وكلن خـذا ورثـة إذا زاد عـن دينـي
أنا وانت يالقاري شجر أخضـرٍ جـذاب=ولا بـد مـا تيبـس والأيـام تطوينـي
مثلما طوت كسرى وقيصر وعكف اشناب=ومثلما توفـى الصـادق مبلّـغ الدينـي
الأيام تجري والمنا يـا تجـي بأسبـاب=ولو سلمتنـي يوم!!لـي يـوم تردينـي

صح لسانك يابوروان

قصيده رائعه

تقبل تحيتي وتقديري

صح لسانك اخوي ابوروان
و صح لسان لشاعر مصلح بن براك الحربي

تحياتي

صح لسانك يابوروان

قصيده رائعه

الشاعر مصلح بن براك الحربي

صح السانك يالغالي

ويبيض الله وجهك اخوي ابوروان

تحياتي وتقديري
عاشق بريده

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

يعطيك العافية و بيض الله وجهك

على هذه الجهود الراااااااااائعة