بين علي الحصني وحبيب العازمي

محاورة علي الحصني وحبيب العازمي
--------------------------------------------------------------------------------

محاوره رائعة في معناها وقافيتها بين شاعرنا الكبير علي الحصني والشاعر المعروف حبيب العازمي

علي الحصني=
ياحبيب تقولون المطر طاح طاح=مار وين العلوم الي تقولونها
الله إنه يعوض البدو جمة رماح=أنتهى جمها ماعاد يردونها
حبيب العازمي=
أنت بأعز نومه والدبش بالمراح=والعرب للخباري شدة ضعونها
لاتعد الليالي كل ماراح راح=مابقى إلا الثلاث الي يسمونها
علي الحصني=
اجمع الريش لين إنه يكمل جناح=وعد فوق الجبال الي يعدوها
وش تبي بالذخاير وأنت عندك سلاح= لو ينوش الجمال ينزل امتونها
حبيب العازمي=
طيرنا لاتذمه من طيور الفلاح=من ورى هقوتك ماهو بمن دونها
التجارب وسيله والوسيله كفاح=لو بلش صاحي العالم بمجنونها
علي الحصني=
شفت ناس يخطلون القطن بالوشاح=عندهم ميته يبغون يحيونها
يامنافق نفاقك زاد ماهو مباح= استحو ياعتيبه لا تسوونها
حبيب العازمي=
شفتها بالمساء وإلا بعد بالصباح=يمكن إنك تحط الكحل بعيونها
لو نحب النفاق ولانحب النجاح= كان جتكم هديه تستحقونها
علي الحصني =
شفتها يوم فالح عند عمه فلاح= واخذو مزودتها واخذو شونها
العلم كيف وقف والعلم كيف طاح= نعرف اصحابنا من ضحكة سنونها
حبيب العاومي=
كان جات الحقيقه جد ماهو مزاح= علي هذا كبير الي يحبونها
كيف شفت العلم بينك وبينه سناح= اثر فيكم طبيعه ماتخلونها
علي الحصني=
ترضي أهل القصيم وترضي أهل نساح= مار اظن الديوس لمن يحلبونها
لابغيت الحقيقه ياحليف النجاح= ماعرف سر ليله غير مجنونها
حبيب العازمي=
لوحسبنا حساب مولدين اللقاح= كان راح اللبن للي يصرونها

صح لسان الشاعر علي والشعار حبيب شعراء كبار

محمد البدراني
اشكرك على مرورك الكريم

صحة السنت الشعراء ومشكور على النقل

صح السان عمي ابو فارس مبدع وعادته الابداع وصح السان الشاعر اللعلم حبيب العازمي والشكر لك يابو منيره بيض الله وجهك

انا اشكر ابو منيره على النقل والشعراء ما عليهم كلام شعراء واصلين

صح لسان ابوفارس على الطاروق الرائع

محاورة قويه من الطرفين ورائعه

الله يبيض وجهك يابومنيره على النقل

ابو منيره .
ماقصرت يا غالي
وبيض الله وجهك

صح لسان شاعرنا علي الحصني وحبيب العازمي

طلال العمري
يشرفني تواجدك ومشكور