مرثية الشاعر/ غازي العوني في شاعر الخليج/ صياف الحربي

علم لفا يالله تلطف بنا خير=علمٍ لفانا هز كل الضماير
صياف قفتبه سهوم المقادير=دارت رحاها ولقفته الدواير
نجمٍ افل من بيننا حزة عصير=خطبٍ جلل والجرح بالحيل غاير
عم الحزن بالمملكه بكل تأثير=يالله لطفك ياعليم السراير
والناس تنعي كنّها دون تفكير=مذهولةٍ والدمع بالعين حاير
مرحوم ياللي سطر المجد تسطير=عساه في قبره يشوف البشاير
ياما وياما صخّر القاف تصخير=من دوننا حصنٍ نهار الكساير
يبكي عليه الشعر حبٍ وتقدير=والملعبه تبكي تهل العباير
والملعبه عقبه ترى مابها خير=انا اشهد انّه من كبار الخساير
شيّن مقدر صار لابده ايصير=واللي كتب ربي على الناس صاير

رحم الله صياف وصح الله لسانك يا غازي وتسلم يا راع الوفلا على النقل الرائع

رحم الله صياف وصح لسانك

. اشكركم على المرور .

اللهم ارحمه واسكنه فسيح جناتك قصيده معبره شكر لك

مشكوور على المرور يالغالي

.