هذا رايي والصواب عند الله

لم اجد عنوان لهذه القصيده المتو اضعه لكنها تعبرعن نفسها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

اوصيك ياللي لك افكار تصرّفها = الهرج يبغى ملافي تقبل اللافي
ان قلت كلمه وعارض من يخالفها = احفظ كرامتك لاتهفي مع الهافي
لاتقول كلمه ومن يسمعك عايفها = بعض البشر هقوته يرقى الجبل حافي
اشوف لي عالم تفرض سوالفها = وكم جاهل ميقن انه خوش عرّافي
نفسه على مجادل اهل العرف عاسفها = في كل حاجه بهرجه يهرف اهرافي
وليا سمع سالفه لازم يحرفها = يبي ينير الفضا بسراجه الطافي
كنه له اسنين حافظها وعارفها = له صوت عالي ولكن البلاءخافي
اهل هروج السماجه ما تشرفها = مجالس بينها هالصنف تنعافي
ترى السمينه ليا سولف مسولفها = تبي لها مستمع لوكان عرافي
ما هو بشخص يغمّض ويتخطفها = ليا اعطاك صدغه وغمّض قلت ياكافي
وان جيت في ديرة فاطلع مشارفها = حتى تبين الامور ويصفي الصافي
الناس دايم هواها مع عواطفها = هذا نظام البشر من عصر الاسلاف
واكثر عيوب الملا مانته بكاشفها = وقليل اليوم من يوفي ويستافي
اوضح اشيا كثير الناس عارفها = على حسب ما عرفته والله الشافي

والسلام عليكم ورحمة الله وبركاته

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك يابو خالد قصيده بمنتهى الروعه اشكرك عليها

صح لسانك يا ابو خالد اوفيت وكفيت وبيض الله وجهك

صح لسانك يابوخالد على هذا الرقي المتواصل والأبداع اللا محدود في توظيف المفرده في محلها الصحيح ..بيض الله وجهك عندما نقرأ قصائدك فأننا نقرأ الشعر الحقيقي ..

لاهنت وصح السانك

تقبل التقدير والاحترام

وفقك الله

صح لسانك يابوخالد على هذا القصيدة الرائعه التي جمعت في مضمونها النصح والحكمه

الحب الباقي
سعد رجا الحصني
الفرسني
سـعود
الجرح
عبد الرحمن اليوبي
لكم جميعا فائق التحيه وجزيل الشكر على ردودكم الرقيقة التي اعتبرها تشريف وتكريم لي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يا ابو خالد اوفيت وكفيت وبيض الله وجهك

راع الجزلة اول وتالي