ليـــه الجفا

ليه الجفا بين المحبين نزعة = يبدأ شرارة عقبها ينقلب نار
الكل منهم صار مافيه جزعة = الكل للخافي غدا يعزف أوتار
الطيب والمعروف للود فزعة = تجمعوا في قلب حاير ومنهار
دام الجفا فالدار مبذور زرعه = من يتفق والآ بيسمع للأشوار
كان الستر ضافي بحشمة و وزعة = واليوم صاروا للملأ حكي وبهار
ترى الفراق نهايته دوم قزعة =قزعت شتات ولالهم بعدها خيار
بالأمس فيهم همسة الوصل شمعة = لا تنطفي زيدوا على نورها انوار
ونسوا ليالي احتوت شين سمعة = ورموا وراكم كل لحظة بها أمرار
دام الخوي تاجي ميه منه لسعة = ونسامحه فيها ولو صار ماصار
كيف الحبيب اللي له القلب طمعة = ونسوق فنجاله من الدم بوقار
نال الغلا والكبد مدلول ولعة = له الف زلة مايجي دونها اعذار
الدين ثم العرض اثنين جمعة = والباقية جبر الخواطر لها اثمار
هذي رسالة والبشر ناس لمعة = وناسٍ يمين وناس تلقاهم يسار

بيض الله وجهك بخيتان صح السانك


عزا الله انها قصيده قمة الروعه والعذوبه

شاعرنا العذب بخيتان البشري صح لسانك
وبيض الله وجهك على هذه القصيدة الجميلة لاهنت :

صح لسانك ابو محمد على هذه القصيده الجزله والوافيه من وافي
احتوت على معاني ومفردات رائعه ومميزه وهذه عادتك الجزاله
الله يعطيك العافيه وتسلم ياغالي
لك ودي وتقديري

شاعرنا الجزل بخيتان البشري
صح لسانك وبيض الله وجهك
تقبل مروري يالغالي

صح لسانك
وبيض الله وجهك

صح لسانك استاذ بخيتان البشري

وسلمت يمناك ع الجزله

يابو محمد مافيك حيله


لاهنت اخوي

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

	صح الله لسانك ولاهنت وسلم فكرك وبنانك دمت برعاية الله وحفظة

,
,
,
صح لسانك وعلا شانك يابومحمد
والله يعطيك العافيه على القصيده الجزله
بيض الله وجهك
مع التحيه