اقرررررررب شاعر يا حرررررب

السلام عليكم ورحمة الله وبركاته

انا اتشرف في تسجيلي معكم بالمنتدى وهذه اول مشاركه معكم والله الموفق

وانا ابغى اختبر نفسي بالمحاوره واذا فيه اي نقد على الرحب والسعه .... بعيد المدى


سلام الله على قومن يلبون الندى بالطيب ---- سلامن من مطير اليا قبيلة حرب ناصيها

انا عندي علومن مبعدن عنه الشكك والريب --- ومن له حجتن قدمي يبرهنها ويبديها






اتمنى اني وفقت هاه يا نقاد ضبط او لا

صح لسانك وياليت تعرفنا بنفسك ومن اي قبيله

صح بدنك وانا من قبيلة مطير يا مال الغناه

حــــيـــــاك الله

صح لسانك ودي ارد عليك بس اللحن مختلف في الشطر الاول عن الشطر الثاني

من فوق راس الرجم اجر اعوايه بالصوت النحيب

الله يـعـطـيـك الـعـافيـــــــــــة
هالشطر يختلف عن باقيه

وين النقاد وش رايكم عقب التعديل




.

طلعلك من قبيلة حرب شاعر مقتدر ومصيب=ورد الك السلام ودلته بالهيل حاسيها
الا يامرجبا واعداد ماسال المطر بشعيب=بحمران النواظر قوم نعرف وش مباديها

استلم يالبدراني


يدوم الك البقى والذيب لامنه عوى لالذيب -- يبا يخبره بالصيده لقاها في مفاليها

يقولون المعزه ما تجـلا لا لفاه اصحيب --- لونه من بعيد القوم قاصيها ودانيها


.

سلام الله على قومن يلبون الندى بالطيب ---- سلامن من مطير اليا قبيلة حرب ناصيها
انا عندي علومن مبعدن عنه الشكك والريب --- ومن له حجتن قدمي يبرهنها ويبديها
ضبط ولافيه كلام يابعيد المدى حياك الله وابقاك ونتشرف بانظمامك الي ملتقاك الثاني
ولكن ملاحظه صغيره جداً في الشطر الاول من البيت الثاني يستحسن ان يكون بهذه التركيبه

(انا عندي علومن مبعدن ((عنها)) الشكك والريب)=ومن له حجةً قدمي يبرهنها ويبديها

بدل ((عنه)) وهي عائده على كلمة علومن وهذا
مارئته وارتويته اقرب للصح والله اعلم جايز تحليلي صائب اوغير صائب لكن زبدة الهرج ابياتك جزله
ولافيهن مايعيبهن وانت صح وشعرك صح حياك الله وعلى الرحب والسعه ارحب الف