خلوها يالجابري لو يطول بعتراضه بلير

ان طعت شوري تريح يارجل واستخير = علمك عرفته وخطك حافظ قرايته
ماشفت بصريكم حصلت رجال أميـر = كمل حقوق الرجال وعارف دعايته

أشكر جميع الزملاء على مرورهم واقول لاهنتم جميعا

صحت السنتكم


متابع بعجاب

اشكرك اخي حمد فهيد على المتابعه

ووجودك تكريم لنا

ياطيبكم لااااكن الدنيا رحى تستدير =وعيب الولد لختلف ممشاه بنهايته
حقي على صاحبي لقفيت لايستطير=لوغبت تبقى حقوقي عهد بحمايته

صح لسانك واستلم ياذيب

هرج الحقيقه مايزعل وانت رجلٍ بصير=وانا رجل ماسمع النمام ووشايتـــه
ان كان عندك على صاحبـــك علمٍ خطير= مالي بكم ربنا يهديـــك بهدايتــــــه

هرج الحقيقه اعرفه قبل تصبح سفير = كم صدرو من بيان وعارف حوايته
ياكثر مابالضماير من كلامٍ كثير = لكن نقص الكلام بهرجتن بايته

الاخ والشاعر سليم الجابري صح لسانك وبيض الله وجهك
ارجو ان اكون قدمت مايرضيك عني انا توي اتعلم وانت شاعر لك وزنك دمت بخير اخي الفاضل

الاخوان
ذيب العاقر
سليم الجابري
الله يبيض وجيهكم ماقصرتو

الله يبيض وجيهكم يالذيب وياسليم ابن أخي معيض العجي رحمة الله عليه وصحة السنتكم

أشكرك أخي ذئب العاقر وبصراحه وبدون مجامله أنت شاعر شاعر يضرب لك ألف حساب وبيض الله وجهك
دمت بخير وأرجوا أن تواصل بالمحاورات وفقك الله وتقبل تحياتي 0 كما أرجوا ان نكن عند حسن ضن
اخواننا المشاهدين 0