( حرب الابيه راقيه للمعالي ) مساجله

/
/
/
/
/
/
/
اخواني
( طبعاً حفيد الكريمين هو معرف استخدمه في بعض المنتديات )
يقول الشاعر
/ نايف بن صالح المالكي )
/
/

ابشر بسعدك ياحفيـد الكريميـن=لك قدر ياخالد عزيز(ن) وغالـي
أخ وصديق ومنزلك داخل العيـن=يشهد على ماقلت رب الجلالـي
رايتك بيضا ماحصل منكم شيـن=أقولهـا ذلحيـن وأول وتـالـي
وبقية الشعار أيضـا عزيزيـن=من شرقهـا لجنوبهـا للشمالـي
ويابو عبيد الله بلاني مع الزيـن=وفراقها ضيق علينـا المجالـي
فارقتها ياصاحبي قبـل عاميـن=والوصل منها صار صعب المنالي
شبت بجوف الروح ياصاح نارين=وماعاد فيني اليوم زود احتمالـي
ياحسرتي لو صاروا اليوم ناسين=شكيت لك لنك صديق(ن) مثالـي
ولنك معاصر في أمور المحبيـن=ولك قدر ياخالد عزيز(ن) وغالي

/
/
واليكم ردي على القصيده
/
/

وانته كفو من ربع ٍ اعزاز غاليـن=ومن قال فيكم شين شخص ٍ ضلالي
وخالد يعـزك مايصـدق عذوليـن=ياصاحبي يفـداك حالـي ومالـي
طبيعتي مالي مع النـاس وجهيـن=رابي على فعـل الوفـا والكمالـي
من نسل قوم ٍ كاسبـه بالمياديـن=حـرب الابيـه راقيـه للمعـالـي
ومن زارني فالدار لو هو عدو دين=يبشر بامانه لاشرب مـن دلالـي
وكانك شكيت الود من حرقة البين=وسهرت يانايـف ليالـي طوالـي
ريّح فؤادك خـل عنـك المقفيـن=واللي صبر يظفر بطيـب الليالـي
من قبلكم بالـود ذقـت الامريـن=مع واحد ٍ بعـد الوعـد ماوفالـي
لي قصة ٍ صارت على عام الالفين=لليـوم يانايـف وبالكبـد صالـي
وخذها نصحه تنحفـظ بالدواويـن=من واحد ٍ عزمـه يهـد الجبالـي
إلى حصل لك عشق مابين قلبيـن=يازينهـا لـو تجتمـع بالحلالـي

الشاعر / خالد بن عبيد بن معتوق ألأحمدي

صحت السنتكم
والله يـعـطـيـكم الـعـافيـــــــــــة
بيض الله وجيهكم

	صحــت السنتكــم دمتم برعاية الله وحفظة

صحتم السنتكم جميع كلكم شعار

صحتم السنتكم

الحب الباقي
الف شكر لك

الاخ القديرصقرالمراقيب والاخ نايف المالكي

صحت السنتكم وبيض الله وجيهكم

سلمتم على هذا الابداع الجميل من بدع وايضا الرد

الله يعطيكم الصحه والعافيه

تقبل تحياتي وتقديري

فهد الغانمي
الف شكر لك

ابو ماجد البدراني
صح بدنك

ثامر الحربي
صح بدنك