لأهل القلوب الخضراء فقط

نهار الخميس اشرفت في عالي المرقــاب = اعالج لواهيب على الكبد محترّه
افكر بعالي مرقبي ماحسبت احســـــــاب = لامور تحد القلب ساعات وتجره
انا ماحسبت لشي ولكل شي اســــــــباب = وامور الهوى والعشق جربتها مره
لكني عقب جربت حطيت دونه بـــــــاب = عقب ماتعبت اعذرت من خيره وشره
طلعت الطـويل وعدت من طلعته منصاب = ولون قبلي من تعلاّه ماضـــره
الاوعذابي يوم عيني شـــقت باغــــراب= عقب شوفهم صارت حياة العنا مره
تجدد علي الجرح والجرح ماكد طــــــاب= ابانسى الجواهر وعرضت قدمي الدره
وانا صرت مثل الل رمى له هدف ماصاب= تركت النظر بالعين وابحث عن الجره
رماني مليح الوصف بالعين والاهداب = مع الاشقر المجدول والصدر والغره
لمحت الجمال ومنظر الحسن لي جذاب = وبلحظه حواسيسي مع الحسن منجره
بعد ما لحظته صرت متوتر الاعصاب = وجميع الجوارح من هوى الزين منضره
وانا ليا ذكرته زاد قلبي ولع واعجاب = وافكر مثل ماقيل بمعاود الكـــره
لكني فقدته تقل ملح بماْ ذاب = فقدت الامل في داعج العين بالمره
جريح الهوى مملوك لوتنصحه ماتاب = يصارع بحر من حب ويعيش في بره

الاخ ابو خالد الله يبيض وجهك قصيده شامخه من شاعر يجيد كل انواع الشعر
تحياتي وتقديري ياشاعرنا الكبير علي الفريدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

حييت يا سعد والله انت قلبك ماهوخضر انت قلبك ابيض
الله يبيض وجهك يالطيب لك كل الاحترام

الله الله الله


ياســــلام عليك يابو خالد

كثر لنا من هالغرض الشعري


سجل إعجابي اللا محدود

ابو خالد الله يعطيك العافيه

صح لسانك وطاب بيانك
قصيدة كفو من شاعر كفو

صح لسانك وبيض الله وجهك

نص جميل وشاعر بارع

تقبل تحياتي

الحب الباقي
حمود الغيداني
بدر الحربي
تحدوه البشر
ناصر الفايدي
اشكركم على تفضلكم بالاطلاع وتاييدكم فخر لي لاهنتم

صح لسانك وسلم بنانك



قصيدة رائعه بروعة حضورك



لك تقديري