ألاياسحاب الوسم فوق الجزيرة ذوب

ألاياسحاب الوسم فوق الجزيرة ذوب




هذه القصيده بمنا سبة قرب دخول الوسم عساالله يرزقنا بالمطر

ألاياسحاب الوسم فوق الجزيرة ذوب = على ديرةٍ بالوقت شهبٍ مناكبهــــــــا
يسوق الخيال وبارقه كنه الشبـــــــــــــوب = يرفرف بغر ينطح الريح ساكبهــــــا
سحاب عـلى خصب المنابت ركبها ركـــــوب = يرج الفيافي لين تطفح عناكبهـــا
يساقي قرارة نجد بالبارد المسكــــــــــــــوب = ثلا ثين يوم الشمس ماشيف حاجبها
من الغرب الى الشمال الى الشرق الى الجـنوب = يعل الوسيعه لين تبرد لواهبها
هواالبال وسميّ عليه السحاب انصــــــــوب = نبت في رغاب الارض وسرج غواربهـا
يداعب نسيم الريح بالعشب والنبنـــــــــــوب= عليه الخزا مى فايحاتن ذوايبهـــــــــــا
ربيع كمل نبته على غاية المطلـــــــــــــــوب =على ديرة خالي من الناس جانبهــــــــا
مغير أم السالم ترفع الصوت بالمسحــــــــوب = لحن سامريّ باالزغاريد يطربهــــــــــا
على فروع سدرماوطى برضها العرقـــــــوب = كما خيل دهمٍ مسرجات مراكبهـــــــــا
زها نبتها واستوطنت مهمل مرهــــــــــــوب = عذيّ الهوا ولارض عذبٍ مشاربهــــــــا
الاواهني من زارها فوق شيخ اجيــــــــــــوب = من اطراز فكسار جديد يقرّ بهـــــــــــا
تحدر وسنّد وصطفق كنه الرعبــــــــــــــوب = تصاديد غراء تو زمّت ترا يبهـــــا
ابمشي عليه ليااقبل الليل والغــــــــــــروب = انا وربعة في نجد ماديس واجبهــــــــــــا
ابجلى هموم كنها شعلة اللا هـــــــــــــــوب = تجوب الضماير والضماير تجاوبهـــــــــا
وجودي على قفر بها ضوّنا مشبـــــــــــوب = تدارج حباريها مخامير ارانبهــــــــــــــــا
وطاها حقاق الوسم في صيّب مصبــــــــوب = وزل السماك وماطر الصيف يضربهــــــا

نافع الحربي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك

الاخ نافع الحربي صح لسانك وبيض الله وجهك قصيده هيضتني وذكرتني ايام الربيع الله يجيبه ياعزيزي انت من الشعراء المعجب بقصيدهم بدون مجامله تحياتي وتقديري

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

هلابك يالحب الباقي وصح بدنك ووجهك ابيض
يسعدني ويشرفني حضورك لاهنت :

	المشاركة الأصلية كتبت بواسطة ابومشاري

	صح الله لسانك

صح بدنك يابو مشاري لاهنت

	المشاركة الأصلية كتبت بواسطة سعد المحمدي

	الاخ نافع الحربي صح لسانك وبيض الله وجهك قصيده هيضتني وذكرتني ايام الربيع الله يجيبه ياعزيزي انت من الشعراء المعجب بقصيدهم بدون مجامله تحياتي وتقديري

أخي العزيز سعد المحمدي أشكرك على الحضور المميز وعلى التعليق الراقي
وصح بدنك ووجهك ابيض ولا عليك زود ياشاعرنا الجزل لاهنت وكل عام وانت بخير

الشاعر\ نافع الحربي

صح لسانك وعتلا شانك

قصيده جزله من شاعر جزل

لاعدمنا وجودك ننتضر الجديد

دمت بود

[table1="width:80%;background-image:url('http://www.alhroob.com/vb/mwaextraedit2/backgrounds/198.gif');background-color:darkblue;border:6px double darkred;"]

	المشاركة الأصلية كتبت بواسطة ابو صقر الحربي

	الشاعر\ نافع الحربي صح لسانك وعتلا شانك قصيده جزله من شاعر جزل لاعدمنا وجودك ننتضر الجديد دمت بود

هلابك أخي العزيز أبو صقر وأشكرك على حضورك
يسعدني ويشرفني ذلك لاهنت وكل عام وانت بخير :