ياهيه لاتخطي على حرب ياهيه

صياف الحربي=
الله يجنبك الخطى يابن ادم=لعل عين العازمي ماترادم
والبرق يبرق والمخيله ترادم=الله وكبر يازمانن ذكرناه
لو ان الشمس تطلع قبل تالي الليل=يمر الوقت مثل الطرقي الساري
تبا تجيب اثنين واتجيب واحد=العب فتالل الليل ماعند احد
افلان راضي منك وافلان جاحد=الله وكبر يازمانن ذكرناه
بعد بكره نجيكم في ظهور الخيل=لو انك ورع لاكاتب ولا قاري
حبيب العازمي=
ياصاحبي صياف فالدرب سقها=قدام يسرى الليل خذها وذقها
ياللي تحب المرجله واتعشقها=الله وكبر يازمانن ذكرناه
نبا نرويك ياصياف بن وهيل=ولو يطري على بالك مية طاري
ربعي عتيبه يارجال المواقف=مع حرب عيت لاتزين السوالف
لاكن يالحربي هذا مايخالف=الله وكبر يازمانن ذكرناه
توكلنا على الخالف قوي الحيل=انا داري وابومفلح بعد داري
صياف الحربي=
يضحك حجاجي للعرب لين اشوفك=واثر هذا راسك وهي كتوفك
ياللي تغني والذيابه تحوفك=الله وكبر يازمانن ذكرناه
تباها يالعتيبي حط ولا شيل=انا جيت الديار وسيلها جاري
ياهيه لاتخطي على حرب ياهيه=الليل باقي واوله مثل تاليه
وانكان مات الخال ولا بن اخيه=الله وكبر يازمانن ذكرناه
لوانا نقطع الخرطوم مات الفيل=وراحت مثل غدر اغليس بمكاري
حبيب العازمي=
يضحك حجاجك مار ماعاد لك حس=بعد الهوى ذعذع نسيمه ونسنس
انكان ماتعرف تقوله قول هس=الله وكبر يازمانن ذكرناه
ترني يالمسايل عقب سال السيل=خساره تغضب البياع والشاري
حنا نباها تنتهي في دقيقه =ولا عساه في قتال الحريقه
انكان ضايق جاك شرها وضيقه=الله وكبر يازمانن ذكرناه
ابن عواد شاف الوعل بالدربيل=يشوفه فالجبل والليل غداري
صياف الحربي=
بعض العرب يضرب بكفه ولا كل=ياكل سنه ويقول لاشرب ولا اكل
مابهذل العربان غير المشاكل=الله وكبر يازمانن ذكرناه
فلوسك وينها والتاجر الزنقيل=معا الصندوق ولا راحت اجباري
ياللي تحفر فالخشب تقل سوسه=عكسك ربك والعلوم امعكوسه
لولا الحياه والله لاخليك حوسه=الله وكبر يازمانن ذكرناه
تحول في سمانا مثل نجم اسهيل=ونجم اسهيل فوق الارض وامباري

محماس الحربي
بيض الله وجهك يالغالي
والله يطول بعمرك
وجهودك مشكوره يابن العم


ورحم الله افضل شاعر عرفته ساحات المحاوره
صياف بن عواد بن شميلان السحيمي
رحمه واسعه واسكنه فسيح جناته

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك