الاعرابي

بسم الله الرحمن الرحيم
مساء الخيرات
بصراحه لقيت هذي القصيده بين اوراقي بالدرج
اللي كتبتها في احد الشباب اللي هداءهم الله و
ابلشناء يحسبن الله بيهديناء بفتاويه اللي هو
مايدري عنها وعن صحتها بس (يلقلق) علي
روسناء باللغه العربيه الفصحى

من زين وجهك ايها الاعرابي = لجل ترزز به هنا تفتينا
تهرج وكنك اشهر الكتابي =و تهز راسك كنه اثر فينا
ماتدري انك حست ابومنجابي=الهرجه للي جبتها الحينا
ونكبتها باسلوب ما ينسابي= ولعنت ابوها مير بالتحسينا
تبي تبرهن زدتها استغرابي= بالفصحى للي بنطقها مذينا
ضيعتنا ما بين حكم اعرابي =وما بين حكم المسئله يااخينا
و ابلشتنا من دون علم تبابي=و ابلشت عمرك مير بالتخمينا
وحنا نشوفك واثق ومرتابي=ونشوف نظرت خوف مايمدينا
منت ابن حنبل ولانت بالوهابي=ولاانت بعد بن باز يا مفتينا
لاجيتنا قلت اسمعوا ياحبابي=و فكيت لك تسعين باب و مينا
ياشبخ روقنا لاتثير اعصابي=ادخل علي الله حل عن وادينا
المهدي الله وكل شي اسبابي=والا انت ماعندك سبب يهدينا
مير استريح وخلها ياعرابي=و لا ترز وجهك قدمنا تغـــوينا

وسلامتكم
مع تمنياتي ان تعجبكم
اخوكم::
شاعر بني عمر

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

الشاعر الراائع
محسن الرويثي
صح لسانك
قصيده رااائعه وجميله
ابيات حملت كل معااني الابدااع


ننتظر جديد مشاركاتك ...............

صح لسانك وسلم بنانك



قصيدة رائعه بروعة حضورك



لك تقديري

	صح الله لسانك ولاهنت وسلم فكرك وبنانك دمت برعاية الله وحفظة

صح ابدانكم وحياكم الله ويامرحبا فيكم
وبيض الله وجيهكم على هالمرور
تحياتي
اخوكم
محسن الرويثي