الـــــوكاله

في امسية شعرية دعينا لها كان من ضمن المدعوين الشاعر /مرزوق مبشر الحثل
فطلب مني الحضور ان اقول شعرا فقلت هذه القصيده التي تضمنت وكالة لمرزوق وكان
الحفل يضم من بعض القبايل الكثير:.ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

نويت اتكلم ضمن غيري وانا مسبوق = على كل باب وكل الابواب مطروقه
فلكن كل له طريقه وله طاروق = وكل له اسلوبه ورايه وطاروقه
يعيب الرجل ويطيب باالنطق والمنطوق =علامات عقل الرجل لفظه ومنطوقه
فهيم الرجال ليا تكلم كلامه ذوق = يشد الرجل لمتابعه شد ويشوقه
تقل يقطف المنطوق من ذروة الزملوق =كلامه مثل طيب على السامع يسوقه
اذا انه تكلم روض وليا سكت صندوق = له المستمع يطرب ويرتاح لطروقه
كلام طري لاهو بني ولامحروق = سحاب بلا عاصوف تلاعج بروقه
ولكن بعض الناس في منطقه مطفوق = يفند حقوق الناس ويضيع حقوقه
واعرف ان بعض الناس في لفظه المسروق =كثير التبجح والاساليب مسروقه
لصوص الكلام وكذبة العشق والمعشوق = سخيف الكلام قليل الملح واللوقه
ترى الشعر حّر ويعتبر للرجال سبوق = ليا قاله اللي جاهل به ضعف سوقه
جزال المعاني نادره والثمين يروق = لراع الثمين وكلمة الحق معشوقه
انا عارف اني في كلامي كسرت الطوق = فلاشك هذا واقع العلم وعموقه
ولا لي دخل والخالق يدبر المخلوق = تبين الحقيقه والمعايير ملحوقه
وانزه ارجال المعرف واعتبرهم فوق = بعيد عن الزلات والكذب والبوقه
لهم كامل التقدير والعذر به مرفوق = مكانة ارجال العرف بالنفس مرموقه
وانا اذا سمحتم لي فانا موكل مرزوق = عن اللي حضر من حرب يهدي على ذوقه
مادامه كريم وتاجر من تجار السوق = يده مطلقه لكن يد الله من فوقه

وعزالله انه كفو ادى المهمه بتفوق بشرف.

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الوافي
دمت وسلمت وصح بدنك الله يبعد الشرعنك

صح السانك

قصيده رائعه كروعتك

لك شكري وتقديري

جزال المعانـي نـادره والثميـن يـروق
لـراع الثميـن وكلمـة الحـق معشوقـه
انا عارف اني في كلامي كسـرت الطـوق
فلاشـك هـذا واقـع العلـم وعمـوقـه
ولا لي دخـل والخالـق يدبـر المخلـوق
تبيـن الحقيقـه والمعايـيـر ملحـوقـه
وانزه ارجال المعـرف واعتبرهـم فـوق
بعيـد عـن الـزلات والكـذب والبوقـه
لهم كامل التقديـر والعـذر بـه مرفـوق
مكانة ارجال العـرف بالنفـس مرموقـه
____________________

صح لسانك يابوخالد
والله والنعم فيك انت وابوهلال
كلكم ناموس الله يكثر امثالكم

	صح الله لسانك ولاهنت وسلم فكرك وبنانك دمت برعاية الله وحفظة

الاخ ابو خالد صح لسانك انت والشاعر مرزوق شعار كبار لكم ثقلكم بالساحه الله يعطيكم طولة العمر والصحه والعافيه على مايحب ويرضى

صح الله لسانك
ياشاعرنا القدير
قصيده رااائعه وجميله
وبيض الله وجهك على هذا الابدااااع

لاعدمنااا ابداعااتك يابو خالد

وننتظر جديدك يالغااالي

صح لسانك يابوخالد

يصح لسانك يالشاعر

ولاهنت على هالشامخه

إحترااامي’,,