الشاعر العلــــــــــم / الحميدي الحلو السليمي

الشاعر العلم / الحميدي الحلو السليمي
يمدح احد رموز حرب في الوقت الحااضر
الشيخ/ عليان بن راشد الطهيمي الفريدي
اترككم مع الابداااع والجزاله
ويستاااهل ابو فواز

دوك السوتش ودق سلف اشهب اللون = وخله يسخن يا عريب المجاني
ولا راح شكمانه تقل راس غليون = ثم صار للماء بالقزوز اغلياني
درج من الشارع وهاته على الهون = ثم شد عفشه ياذريف اليماني
واركب يمين وخل لي الدرقسون = انا الدليله وانت جر الغواني
من فوق شاص لصطفق تقل مجنون = او وجه ذيب شايف مودماني
مافوقه إلا دلتين وغريون = وبيج الشراع اللي يحفظ الاواني
امصدر للشرق الاوسط ومصيون = عليه بالكتلوج صك وضماني
من دار قوم معتزين بصهيون = جباني الصانع وقلبه جباني
مرالخليخ وركبوا فيه فريون = لجل الجزيره جوها شقلباني
وجمرك ودخل نجد مافيه ممنون = مدفوع شيكه في حدود العماني
عليه اباغني طواريق ولحون = وانظم من المعنى بيوتن اثماني
انا لقلت القيل وافي ومازون = مليان بيته من بديع المعاني
ان عشت اغني مثل ناسن يغنون = وان مت غنى به فصيح اللساني
والكار للي بالمعاني يمدون = من فعلهم ننظم جزيل البياني
ناخذ من المعنى والاجواد يعطون = ماللحكى لولا الفعايل كياني
ياحرب ياللي بالمواقيف تثنون = تلزون لا شانت ظروف الزماني
بامجادكم كل المخاليق يدرون = من طلعت البيضا الياقصى مكاني
واجب عليكم بالطهيمي تعزوون = ترى القبيله عزها بالعواني
المال ماحطه لجل يصل بليون = حطه لجل يملى وساع الصياني
والبيت شاده دون ضبه وكالون = امشرعن بابه لمن جاه عاني
جمع يتغداى به وجمع يتعشون = بيتين مليا والخيام الثماني
والبل شراها ماحسب كم يحدون = مهو بلجل الفلان . لجل الفلاني
يزيد سومه كل ماهم يزيدون = حتى ان راعيها ينادي كفاني
العام راعيها فقير ومديون = واليوم في باريس يبني مباني
وشارك بهن ياحرب منشان ترضون = شارك بزينات الخدود السماني
جردن وبرها منكسن تقل محسون = هنف الخشوم منكسات الاذاني
هزع المواخر متعبة من يسومون = وارقابها تشدى مقام السواني
مافيهن اللي سعرهادون مليون = ألا فحلها زاد مليون ثاني
ماتقل بالميدان جاء ذود مزيون = من زينهن زين المزايين فاني
جابن الاول حققن ماتمنون = انا احمد اللي جابها يالعواني
لازم معي ياحرب بالله تقولون = عاش الطهيمي مابقى ضلع اباني

الاخ خالد الشعيفانيالله الله يبيض وجهك ويرحم شيبانك
قصيده جزله مشكور على النقل الموفق وصح لسان الشاعر الرائع الحميدي السليمي
ويستاهل عليان كل طيب

عاش الطهيمي

عاش الطهيمي
عاش الطهيمي


صح لسانه قصيدة جزله في رجال كفو ويزهاه المدح ابو فواز


لاهنت ياناهس وبيض الله وجهك

الغالي ابو رعد

الشاعر الكبير
سعد المحمدي

مروركم عطر صفحتي

لاهنتم يااااالغاااالين

صح لسان الشاعر

وسلمت يمناالناقل

مشكور

ع حسن اختيارك

لاهنت اخوي ناهس الشعيفاني

الاخ الشعيفاني
بيض الله وجهك على النقل وبيض وجه الشاعر العلم
الشاعر الحماسي (الحميدي الحلو )

سلمت يمينك ياناهس الشعيفاني على هذا النقل وجزل الاختيار
وصح لسان شاعرنا الجزل المبدع الحميدي الحلو السليمي الحربي

عـــــــــــاش الطهيمي
وهورجل وكفو ويستاهل العلوم الغانمه
وصح لسان الشاعر الحميدي السليمي
ناهس
بيض الله وجهك على اختيار القصيده الجزله
دمت اينما كنت

--------------------------------------------------------------------------------
الاخ خالد الشعيفانيالله الله يبيض وجهك ويرحم شيبانك
قصيده جزله مشكور على النقل الموفق وصح لسان الشاعر الرائع الحميدي السليمي
ويستاهل عليان كل طيب