منور فضي المعمري

هذه قصيدة من قديم الشاعر منور فضي المعمري الذي عرف بالمحاورة وابهر وابدع اثناء
مشاركته في شاعر القلطه التى اقيمت بدولة الكويت الشقيقه.
هذه القصيدة موجه لنايف بن زابن المعمري رحمه الله

يا أبـومنيف أفزع ترا السيف مجـــروود=قــدام وجهـي ولا عـــادي ورايـــه
أنتم هــل الفزعــات و أنتم هل الــزود=يــاربعتي يافزعتي ياذرايــــــــــــه
أنـا عـــلى الوقت حـــاوي و مــــردود=حــاوي عناي وردني عن هوايــــه
كل الليالي قـدم وجهي غـدت ســــود=لــو أتحــرك ضيعت مستوايـــــــه
وحبل الرخاء من كل الأطراف مشدود=و أزريت لا أعرف تهمتي من برايه
وقعت لي في ذنب من غيـر مقصـــــود=مخطي و لا أدري كيف أصحح خطايه
و جيتك بعد ما شبت النـار بالعـــــــود=وأصبح يصافق جمرهـا كل حايــــــــه
أنت الذي في حزت الضيق ماجــود=وإلا السـعه فيها كثير أصدقايــــــــــــه
جميع صدقان السعه دون مطروود=لا هم مرض قلبي ولا هم دوايــــــــــه
علاج جمعه لا ينقص ولا يــــزود=على مثل ما قال راعي الــروايـــــــــه
وهداج تيما إلي من الناس مورود=يقطع ضمى غيري و يقطع ضمايـــه
وينقذ أسيرن بين ولعه وبارود=وترفع له البيضاء على كل رايــــــــــه
وجهت شكوايه لكم يأهل الجود=رجاي بالله ثم فيكم رجايـــــــــــــــــه
وكان الأمل في كل الاحوال مفقود=الله على فرقـــــــــاه يجبر عزايـــــــــه
صبري على بعض المواقيف منقود=واهمالها منقود نفس الحكـايــــــــــــــه
لو أن كلٍ يذكر الصبر محمود=لكن أنا صبري مبيح خفايـــــــــــــــــه
وأخشى كلام مكمل النقص بارود=يضحك بوجهي ويهرج في قفايـــــــــه
وكل البشر من عهد عاد وثمود=يخشون هرج مروجين الدعايـــــــه
وأختامها مني تحيــــات و ورود=وهذه بداية قصتي و النهايــــــــــــــه

ماقصرت يامنور تسلم والله يرحم زابن وجميع المسلمين

صح لسان الشاعر الكبير: منوربن فضي المعمري ..
والله يرحم الشيخ: نايف بن زابن المعمري
بيض الله وجهك يالغالي. ولاهنت

لماذا لانشاهد شاعرنا الكبير منور المعمري في ميادين المحاوره

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

صح لسان الشاعر الكبير: منوربن فضي المعمري
والله يرحم الشيخ: نايف بن زابن المعمري
بيض الله وجهك يالغالي.

ونشكرك على النقل الموفق

سلمت يمينك على النقل والاختيار الموفق والجزل
لشاعرنا الجزل منور بن فضي المعمري والله يرحم
رجل المواقف نايف بن زابن بواسع رحمته وامواتنا واموات المسلمين

ضيف الله المعمري

بيض الله وجهك وتسلم يمينك

وصح لسان الشاعر الكبير منور فضي مبدع بالمجالين نظم ومحاوره

والله يرحم الشيخ نايف بن زابن وجميع اموات المسلمين

صح لسان الشاعر الكبير/ منور بن فضي

وهو مبدع المجالين في شعر النبط و المحاورة

و رحم الله الشيخ/ نايف بن زابن

و مشكور على النقل

اشكركم من كل قلبي على التفاعل مع موضوعي