ودوا لابن ناحل كلامي مـن الـراس (عبدالله عتيق المزيني )

القصيدة التاليه هي لشاعرعبدالله عتيق المزيني بالشيخ بندر بن عمر بن خلف بن ناحل وقد كان برتبة فريق بالحرس الوطني رحمك الله يابو نايف

سقت النضاء غرب وشمال وجنوبي= خدع الرقاب ابطونهن مثل الاقـواس
ويوم انكفن عقب الحفـا والندوبـي= ضلع هجافا طاوي اشنونها اليـاس
عجزت اعرف اللي وراهن إيحوبـي= من دوري اللي حسني فيـه حسـاس
وردت علـي اورود ورد الذهـوبـي= متخالفات الوان مـن كـل الاجنـاس
وزفـي عبيـرك يانسيـم الهبوبـي= الـروح ينعشهـا ذعاذيـع نسنـاس
ومـن جودكـم يـارب تجملـوبـي= ودوا لابن ناحل كلامي مـن الـراس
عوص النضا تنصاه من كل صوبـي= هو شيخنا كـان"جـورالـدهـر جـاس
هداج تيمـا اللـي يضيـم الغروبـي= راسخ مجمه عيهلٍ مالـه اقيـاس
وكان الكرم فعلـه غطـا للعيوبـي= انتم كرمكـم فيـه لـراس نومـاس
فعلٍ لكم عند الرجـال امحسوبـي= احذيتم اللي مطلبـه يـوم الافـلاس
واليا زبر جمعٍ اسـوات النصوبـي= امسد مظلم مقبلٍ لـه اتهجـراس
ومن السماء هلت هماليـل شوبـي=وكالو مراجـل مرويـة كـل عبـاس
وضرب المشوك صب شوبٍ يذوبي= وتلولسوا فريـس بظهـور الافـراس
بيـن السرايـا تفتحـون الدروبـي = ياكلـش الشـرب والاريـاق يبـاس
نواحلٍ تنشـي هبوبٍ شبوبـي= دكلاتهم يشبع بهـا كـل عسعـاس
ويوم الزمان الشين طقطـق اكعوبـي=زبنت من طيبه امشيد علـى سـاس
نطاح للماجـوب فـي كـل نوبـي=هو مزبني ياذقت من مـر الاتعـاس
وغيره اشيوخ القوم لـو قصروبـي= مادام بنـدر حـي ماحتـاج لنـاس
يبتـع اليا دلبـح خطـات الهيوبـي=كما إيتنكس لبرق الريـش قرنـاس
وان غاب عن مـدح المناعر اتوبـي=مانـي ابـاعـث بلـحـود الاراس

ودوا لابن ناحل كلامي مـن الـراس (عبدالله عتيق المزيني )
القصيدة موجودة صوتية بصوت الشاعر الكبير عبداللة المزيني

صح اللسان الشاعر

ورحم الله ابو نايف واموات المسلمين

وبيض الله وجهك على النقل

صح لسان الشاعر المزيني
ورحم الله ابونايف

صح لسانك ياشاعرنا الجزل / عبدالله المزيني
وستين نعم بشيوخنا النواحل ويستاهل الشيخ
الفريق /بندر بن عمر بن ناحل رحمة الله عليه
سلمت يمينك ياجبلنا الراسي

صح لسان الشاعر عبد الله المزيني

ورحم الله الشيخ ابن ناحل

بخيتان البشري

صحت ابدانك الف شكر يالقرم

ابن السفر

صحت ابدان والف شكر ياذيب

الجبل الراسي صح لسانك

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك

الحب الباقي

هلا وغلا وكلك ذوق الف شكر