ابوزيد الغبيوي ومعتق العياضي

ابوزيد الغبيوي =
سلام ردية وفا لاهل الوفا والراس فوق=ما ينحني طول الزمن ياكود للي خالقه
اليا نجح معتق ينومس حرب مع برقا وروق=واليا صقط معتق من ايدينا من الي يعتقه
معتق العياضي..=
يا مرحبا ترحيبة لاجات لعتيبي يفوق=حتى خفوف محمد اليله تولع فايقه
الحمد لله نا جحين وسالمين من الحقوق=حتى الشهاده يا محمد في يدينا لايقه
ابو زيد..=
دام البقا والشجره الي لا جذور ولا عروق=وشلون تنبت في شمال او في جنوب المنطقه
تبي الشهاده وانت ما تلقى صبوح ولا غبوق=والناس تلفي للسحاب الي تكاشف بارقه
معتق العياضي..=
الشجره الي قلت تسقيها كثيرات البروق=ما فيه مخلوق يغير اليوم يدعي خالقه
بالكلمه الي قلت والله يا ولد مانته صدوق=حنى ملكنا العز في غرب البلاد ومشرقه
ابو زيد..=
السالفه فيها وفيها وفيها ما هي بجرة طروق=عساك مانته مارق ضمن الرجال المارقه
حنى عتيبه يالعياضي لا نخون ولا نبوق=واليا لحقك الشك دقنك يالعياضي نحلقه
معتق العياضي=
ان كانها وصلت على ما قيل لمقاضب حلوق=انته وانا في صف واحد والخميني نحرقه
اليا غزينا خابرينك باول الغاره سبوق=والله لو امسك لاحطك بوصط المشنقه
ابو زيد..=
انا ادري انك للعلوم الي على بالك شفوق=لاكن لاهاج البحر ما تغرفه بالملعقه
الناس تدري بالحقايق فالغروب وفالشروق=وانته نعرفك بالظلاله بانيلك صندقه
معتق العياضي..=
والله مدام الدم يجري يالعتيبي فالعروق=جميع خصم قدم دربي قادرين نسحقه

منقول من موقع الشاعر معتق العياضي

مشكور على النقل

لاهنت يالصريح

على النقل والاختيار الموفق

سلمت يمينك على هذا النقل وجزل الاختيار
ومحاوره كايفه ومتكافئه بين الطرفين والكل منهم بدع

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك