عزتي له من تبكيّه اللحون السامرية ...!

السلام عليكم ورحمة الله وبركاته
مساء الخير
أهدي لكم هذه الابيات وكلي أمل ان تنال الاعجاب والاستحسان

عزتي له من تبكّيه اللحون السامريّه= كل ماغنا تكدّر ساعة احبابه طروا له
من يلوم اللي بكا له غالي ابطا في مجيّه = والرجل منّا دموعه ماينزّلها بسهوله
ابدوياً ماتولّع غير في عشق ابدوية = عشق يرفع عن طمانه دام كلن من حموله
يوم انا من روس قوماً ماتدوّر للرديّة = ماخسرنا بالرهان وكاسبين بكل جوله
لا انتخت فينا هنوفاً قلنا ياوين المنيّة = غطرفي يابنت حنا كل حقاً لك نطوله
عايشين بعز و امن ومارضينا بالخطيّة= وان لقينا مالقينا جينا باعدادن مهولة
للخوي مافينا منهو قد تخلى عن خويّه = مضرب الامثال حنا في ميادين البطولة
المراجل كنزنا اللي منْه أنفسنا غنيّة = ماجهلنا غير خبلاً دلك اخباله افعوله
ماعلى الباقين زود من الأصول اليعربيّة = موطني موطن يفاخر دوم في كثرة زحوله
مير هذا العشق لاجا القلب مامن مقدريّة = كيف جار بنفس رجالاً من اسبابه ملولة
من غياب اللي هويته صارت احوالي شقيّة = ولّ ياحظاً ردياً بيننا نوّخ ذلوله
طمنوني ..بشروني عن غلاي وناظريّه = علموه اشلون حالي واني منتظراً وصوله
الجميل اللي جماله ماخلق بالناس زيّه = عين ..قد.. وحلو خد..وغيرها يازين طوله
جاذبية مع براءة ..خف دم.. ونرجسيّة = مالك ازمام الجمال ومسرجاتن به خيوله
قاهر اقلوب العذارى بالوصوف الساحريّة = من كثر زينه وغيره مايبيه ايصير حوله
كنه البدر التمام اللي ظهر بالليل ضيّه=لو يحل بكل حفله يذبح الناس ابحلوله
يوم يرقص ويتبختر في جنون وفاعليّه=ميّل اقلوباً ومالت كلما اترف في ميوله
كم ذبحهم في جماله والبلا في حسن نيّه=ماكسب غير الدعاوي لعنبو من ذمّ زوله
بس ويلي لا التفت لي مدري ويش ايصير فيّه=كني الطفل الصغير اللي تجّمد من ذهوله
جا يذمّه لي عذولي وقتها جتني حميّه=وانتخت فيني طيوفه : علمّه مقدار قوله..!
غاب عنّي من سنين ومابقالي من بقيّه=كود دمعاً لاطريته تغرق اثيابي سيوله
وش يرده غير خلاً ماهو ابنجد العذيّة = راحل ويطري عليّه كل مابي حال حوله
لا ذكرت اللي مضى لي من الليال الشاعريّه= ليلنا من موج شعري لابدا أرخى سدوله
لاتعبت من القصايد..قال: لاتبخل عليّه=قلت:انا كلي لعينك ياقوافيّ اركعوا له
جبت له عشرة قصايد:قال لالا..ابغى ميّه!=تكفى..تكفى ياحبيبي..!هات مرجانك ولوله
يومن ابحرت ابقصيدي التفت..! ثم قال ليّه: =هذي اروع ماسمعته يا يديني صفقوا له..!
لاوربي..! ذيك أحلى..! مدري هذي..! مدري ذيّه..!=وألا تدري..! شعرك..! وكلك .. وكل اللي تقوله..!
آآآآه وينه..! واهنيّ اللي بقربه..! واهنيّه=من غيابه غبت كلي والفرح أجهل أصوله!
آآآآآه ليته كان عندي..! غير اضمّه في يديّه..! =شايفه نجماً بعيد وماقدرت أني أنوله..!
مايلام اللي سواتي ياللحون السامريّه=كيف مايبكي عليهم بالقصيد اليا طروا له..؟!

تحياتي للجميع
أخوكم
فايز السليمي

هلا حياك ياخوي فايز السليمي
قصيدة جزله وصح لسانك
تحياتي

الشاعر الرائع فايد بن ماجد

صح السانك وعلي شانك وبيض الله وجهك

صح السانك يابوماجد بيض الله وجهك على القصدة الجزله

ننتظر ابداعك القادم

ماشاءالله

ياسلام ياسلام


ابداع راااااااااااااااااااااااااااائع


لله درك


وبيض الله وجهك اخي الشاعر فايز ماجدالسليمي


صح الله لسانك


ويعطيك العافيه

دمت ودام ابداعك

تقبل اجمل التحايا

هلا حياك ياخوي فايز السليمي
قصيدة جزله وصح لسانك
تحياتي

الجميـل اللـي جمالـه ماخلـق بالنـاس زيّــه
عين ..قـد.. وحلـو خد..وغيرهـا يازيـن طولـه

جاذبيـة مـع بـراءة ..خــف دم.. ونرجسـيّـة
مالـك ازمـام الجمـال ومسرجاتـن بـه خيولـه

قاهـر اقلـوب العـذارى بالوصـوف الساحـريّـة
من كثـر زينـه وغيـره مايبيـه ايصيـر حولـه

كنـه البـدر التمـام اللـي ظهـر بالليـل ضيّـه
لـو يحـل بكـل حفلـه يذبـح النـاس ابحلولـه

يـوم يرقـص ويتبختـر فـي جنـون وفاعلـيّـه
ميّـل اقلوبـاً ومالـت كلمـا اتـرف فـي ميولـه

كم ذبحهم فـي جمالـه والبـلا فـي حسـن نيّـه
ماكسـب غيـر الدعـاوي لعنبـو مـن ذمّ زولـه




فايز بن ماجد

صح لســــــــــــــــــــــــــــــــــــــــــــــــ ـانك

من اجمل ما قرأت لفايز بن ماجد

نتطلع لمثل هذه الجميله وافضل منها

النرجسيه

الشاعر الرائع فايد بن ماجد

صح السانك وعلي شانك وبيض الله وجهك

فايز بن ماجد

شاعرنا المتألق

صح السانك

صح السانك على القصيدة المبدعه والرائعه