محاوره لجميع الشعراء

ماقصرتم ياربع

نيّام ياهل الملتقى ليه نيّام=وين الصييفي وين باق الشواعير
الملعبة ماهي مثل كل الاقسام=تشكي من الهجران والناس في خير

يرعاك ربي يالفريدي و يبقيك=أنا هنيا و البقيه ملابيد
حاولت احركها بكل المحاريك= لكنها ما جت على مثل ما اريد

صحت السنتكم وبيض الله وجيهكم

تقبل تحياتي وتقديري

يدلي بدلوه من يصل جمّة البير=ويحرك الفتنه من الناس مقرود
ماقلتها من شان ابظلم بها الغير=وجهة نظر والعلم حاوي مردود

ودك قبل ترمي كلامك جزافي= تعرف وش الهرجه و تعرف نحاها
و ما دام ما به نار، ليش المطافي؟= المسأله كلمه و ردّة غطاها

يأصييفي..
يآآآآآآآمبدع..
صحت السنتكم..
وبيض الله وجيهكم..
.. وآصلو ..

العبيدي..

صح لسانكم جميع

الصيفي أنا أشهد إنك شاعر مبدع ..و نتشرف بأمثالك بملتقى حرب..و لا هنت يالقرم
تقبل تحياتي..

هانت ولاهنتوا عداك الخلافي***وجهة نظر والناس مطلب رضاها
لوماتهيّا يمكن ان العوافي***أهيا ويمكن من بغاها لقاها

أشكر كل من ذكرني بالإسم في هذه المحاورة العامه:

هاجت مقاصدنا و جاها انحرافي= متى نريح نفوسنا من عناها
وجهة نظرك مقدّره يالسنافي= لكنها ما بينت وش وراها