تهيض المكنون

تهيض المكنون وافصح بمنطوق = مما لجا بالقلب وازريت اطيقــه
حاولت كتمانه وانامنه محــروق = وعجزت اقاوم قام يكبر حريقه
هموم(ن) تجي مع كل مدخل وطاروق =لياغاب عني هم داوم رفيــقه
من الشرق ومن الغرب من تحت من فوق =منها اهموم اجداد واخرى عتيقه
عالجتها في منتهى اللطف والذوق = وقامت تزايد مع مرور الدقيــقه
وكني بغبات البحر فوق دانوق = متعطل وسط البحور العميـقه
بملاطم الامواج كنه بصنــدوق =موج يشيله فوق واخر يعيــــــقه
ورغم الهموم اللي عليه تقل طوق =متمسك بعرى الاله الوثيقــــه
وأرجي رجا المظلوم ويهزني شوق =عندي أمل بالله المــح بــريقه
وانا على مسات الايام مسبوق= لاشك مايمكن تضيع الحقيقه
ياللي تجي سلطان لامسه العوق=قل مرسل المرسول يشرق بريقه
قلبه يابو بندر من الهم مطروق = هم وقف قدمه وسكر طريقه
مقيد الرجلين لـــوقلبه يتـــوق = وانته حبيبه والده يا صــديقــه
وعليه لك واجب وماجوب وحقوق=متأصلات بالاصول العريقــــــــــه
حقوق كتبها الله على كل مخلوق=على الولد بين الشقيق وشقيقه
ولاهي جديده علمها علم ماثوق=ماروثة عبرالقــرون السحيــقــه
واعلم ترى نومي عدوله الموق=وافكار قلبي في همومه غريقه

ـــــــــــــــــــــــــــــــ
قبل سنوات موجهة للمرحوم /سلطان نغيمش

صح لسانك يابو خالد قصيدة في منتها الروعة
والجمال الله يعطيك العافية لاهنت :

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

نافع الحربي
بن فرهود
عقيد الخيل
الشكر والتقدير وشهادتكم وسام لي طالت اعماركم

صح لسانك يابوخالد والله يرحم ابوبندر رحمة واسعة

صح لسانك يابو خالد والله يرحم ابو بندر بواسع رحمه
وولدينا وجميع اموات المسلمين بيض الله وجهك لاعدمناك

عبد الله الفريدي شاعرنا
المراقب والشاعر المحبوب مضحي بن جمران
دمبم ودام عزكم والله يرحم امواتنا وامواتكم ويطول يعمار الاحيا
اشكركما مع صادق المحبه

[table1="width:95%;"]

صح لسانك أخي/ أبو خالد الفريدي

تسلم ويسلم بنانك ويعلو شأنك

قصيدة قيمة من شاعر قيم

دمت بخير وعافية . ،،،،،،،،