ردي على الشاعر/صقر المراقيب

الشاعر / خالد عبيد معتوق الاحمدي(( صقر المراقيب))

دن القلم واكتب قصيـده بعنـوان =ياحسين غاب الزين والبعد قتـال
مرسولة ٍ مني على حسين شامان= معمري قلبه على الطيـب ميـال
بني عمر ربعه لهم رفعة الشـأن= ذي لابة ٍ تنجب صناديد وابطـال
ياحسين قلبي من جفا الود حدمان =اسهر طوال الليل ماراق لي بـال
على الذي شابه قمر نصف شعبان= غالي وله في داخل القلب منـزال
حبه سرى بالدم في كـل شريـأن= واليوم بعده عننا مبـري الحـال
ياحسين عطني حل صاحبك حيران= قام يتجرع سـم فنجـال فنجـال
في ضميري حزن منه الصفى لان =على الذي خده كمـا سبعـة الآل
مالي سلا غير القوافي والالحـأن= جريت لجله خمسـه آلآف مـوال
ولو كان يدري داعج العين لو كان =ماكان طاوعبي من الناس عـذال

حسين شامان المعمري

يامرحبا ترحيب مخلص وشفقان=والدرب واحد ماتغير ولا زال
ياخالد المعتوق والعلم مابان = تشكي علي الحال واحوال واحوال
أن كان وده ياعميلي له الوان=قضوه وتطوى في ملفات محتال
والمهره اللي مالها سرج واعنان=مالك ومال اللي توردك الاهوال
طير السعد يكفخ مزوله بجنحان=يضرب علوم مخطيه بايسر الجال
وان كان في وصله تساوٍ الاوزان=المال ماللك وافادي بك الحال
يالاحمدي والزرع وردٍ وريحان=هذاك يدعابه وهذا له اقبال
لو أن شرهاتي عليكم بنيشان=مضرابها وسط الهدف مابه اجدال
خذها نصيحه قبل تشقى بالاوطان= ثم اتساوى عندكم كل الازوال
ويفداك ياراع الكرم راع الاطمان=اللي على الاجواد له قول واقوال
واسلم وسامح كان بالقول نقصان=والا الخطاوي بيننا مالهن فال

صح الله ألسنتكم
،
مبدعين الله يبيض وجيهكم
،
سعدت بما تم تسطيره هنا
،
تحيتي للجميع

صحت السنتكم خالد بن عبيد وحسين المعمري ابو شامان لاهنتم
وبيض الله وجيهكم سلمتم ودمتم لاعدمناكم وتقبلو مني صادق ودي وتقديري
البدعالرد

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة محمد سعد اليوبي

	صح الله ألسنتكم ، مبدعين الله يبيض وجيهكم ، سعدت بما تم تسطيره هنا ، تحيتي للجميع

هلا وغلا
اخوي محمد
وصح بدنك
والاسعد مرورك
دمت بخير

	المشاركة الأصلية كتبت بواسطة مضحي بن جمران

	صحت السنتكم خالد بن عبيد وحسين المعمري ابو شامان لاهنتم وبيض الله وجيهكم سلمتم ودمتم لاعدمناكم وتقبلو مني صادق ودي وتقديري البدعالرد

هلا وغلا يالبناخي
ابو احمد
صح بدنك
وجهك ابيض
الله لايهينك

	المشاركة الأصلية كتبت بواسطة عـقـيـد الـخـيـل

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك
والله يعافيك والشر مايجيك
وجهك ابيض

والمهره اللي مالها سرج واعنان=مالك ومال اللي توردك الاهـوال

مشكووووووور ياشاعرنا
العذب والمبدع
الشاعر / حسين المعمري
والله قصيده مليانه ورد كافي ووافي
ولو مارسلت
غير هذا البيت انه يكفي
والمهره اللي مالها سرج واعنان=مالك ومال اللي توردك الاهـوال
على العموم
الف الف شكر لك

	المشاركة الأصلية كتبت بواسطة صقر المراقيب

	والمهره اللي مالها سرج واعنان=مالك ومال اللي توردك الاهـوال مشكووووووور ياشاعرنا العذب والمبدع الشاعر / حسين المعمري والله قصيده مليانه ورد كافي ووافي ولو مارسلت غير هذا البيت انه يكفي والمهره اللي مالها سرج واعنان=مالك ومال اللي توردك الاهـوال على العموم الف الف شكر لك

هلا يابن معتوق
يعطيك العافيه
هذا من طيب اصلك

صح الله ألسنتكم
،
مبدعين الله يبيض وجيهكم