سلام الله عليكم ياهل التوحيد والسنه

	المشاركة الأصلية كتبت بواسطة مضحي بن جمران

	شاعرنا الجزل قابل البشري صح لسانك يالوافي لاهنت تشرفت بهذه المحاوره وهذه الردود الجزله واللعب معك يابو يزيد مايمل طال عمرك ومكسب كبير لي الاحتكاك بشاعر مثلك لاعدمناك والي لقاء قادم ودمت برعاية الباري وحفظه

والله انا من يتعلم من شرواك يابو احمد00

وماهذا الاتواضع منك 00طوقتني به

وان شاء الله نلتقي على الخيردائما

مضحي=
سلام الله عليكم ياهل التوحيد والسنـه=سلامٍ يشمل اهل الملتقـا ويعـم زواره
اقوله من هجوسٍ يوم وردت جالها حنه=اوردها على عد الروا وازهـم لشعـاره
قابل=
هلايامرحبا بالشاعر اللي قافهـا دنـه=على وضح النقا والطيب ولع للوفا ناره
حصلنا ياولد جمران قافك يمنـا غنـه=وتلقى عندنا للقول تكميلـه ومسعـاره
مضحي=
يدوم الك البقاء ياشاعرٍ والكايفـه فنـه=وسوق المعرفه نعرف شريطيه وتجاره
نخبر من يظن اظنون ماحنا على ضنـه=على راع العلوم المجحفه مردوده اخباره
قابل=
وفيت وراعي التقدير مثلك ماختلف قنـه=مع الايام ماينقص غلاه يزيـد مقـداره
ومن هوظن ظن السو مانخطيـه لكنـه=خبيث واجب ان نحترص من لوثة افكاره
مضحي=
اثر بعض الاوادم في يدينه كاسرٍ سنـه=ويضلع والصواب بمبسمه ويدور جباره
ياقابل ماعلينا من سوالف يابس الشنه=تسير القافله ماهي بحاجة قاصر اشباره
قابل=
انا وانته نعرف اللي يمد الصوت ويغنه=ولايخفى علينا حرف من رسمه ومعياره
ولكن بعض خلق الله يدس الشر ويكنـه=وواجب مثل هذا نرقبه ونتابـع اثـاره
مضحي=
تجنبنا طريق الغادي اللـي محـرقٍ بنـه=وحذراء ياهل المعروف جنسه يدخل الحاره
لكن ياحرب ياهل الفزعه اللي مابها منـه=عساكم مانسيتو منور اللي يجدع الشـاره
قابل=
على قولك هذاك ضعيف وعلومه يسدنـه=ومن هو قدم المعروف معنـا دارنـا داره
ومنور واجب اصوات العرب ماتنقصرعنه=معه ناقف مواقيف الشرف فى كل مشواره
مضحي=
عساء الطيب محابيل الخطر شرواه يخطنه=وعلى بارد عزومه يكسرن وصبن الغـاره
سلوم اسلافنا رجالنـا الوافـي يحكمنـه=ودرب الغانمين ايمن واهل الجود تختـاره
قابل=
عميل الطيب جـزلات الفعايـل ماتعدنـه=يلع نوره وفا يوم الضعيف يطفي انـواره
وكلن ساعـة الميقـاف افعالـه يسدنـه=ومن هوغاب في وقت الطلب مافاد معذاره

سلمت يمينك يابو يزيد على هذا التنسيق الرائع لله درك ياسنايدي لاهنت ياجملنا جمل الله حالك

محاوره تستحق الاشاده
فرسانها
ابو احمد
ابو يزيد
صحت السنتكم يعطيكم العافيه
بيض الله وجيهكم

صح السنتكم ياشعار
محاوره جميله

	المشاركة الأصلية كتبت بواسطة حسين المعمري

	محاوره تستحق الاشاده فرسانها ابو احمد ابو يزيد صحت السنتكم يعطيكم العافيه بيض الله وجيهكم

اشكرك على هذا الاطراء وهذا من طيب ذوقك يابو شامان
صح بدنك والله يعافيك والشر مايجيك يالخال العزيز سلمت ودمت

	المشاركة الأصلية كتبت بواسطة ال طير سعد

	صح السنتكم ياشعار محاوره جميله

صح بدنك يال طير سعد
ومرورك وتواجدك اجمل لاهنت

الله يعطيكم العافية

	المشاركة الأصلية كتبت بواسطة الفرسني

	الله يعطيكم العافية

هلا وغلاء يابو عويض نورت المتصفح بهذا المرور النير لشخصك العزيز

مشكورين علئ الطرق السلس والكلام الجميل وماقصرتوا