الاصيل تمد يدها

على مطيتك العتب وليا ترحيت معذور=النفس ماتقوى ياغير اللي على مقدورها
ونته علامك صرت مثل اللي بدوامه يدور=هاذي الحقيقه والحقيقه ماتغطا نورها

صح السنتكم وبارك الله فيكم

صح بدنك يارفيع المقام

ان كان ماشفت السطور الحين اقريك السطور= من شان دارك ضاريه دايم بقطف زهورها
واليا نويتو بالسفر دقيت لك كرت العبور= وانظر لكم والناس مثلي تنظر بمنظورها

قدرك طعامه دوب بطنك لو معك دمٍ يفور=يالله لاتحدانا على بعض العرب وقدورها
البندق اللي حزة الميقاف عيت لاتثور=شوري بها ماخالف اهل المعرفه في شورها

لا تدعي بالجابه اللي مالها عندك ثبور = تمشي بحمله ماعرفت حروفها وسطورها
فورت دمي وانت دمك لا بدا الماقف يكور= حطت عليك الليله اللي ماتطير طيورها

اخوي فهد لي الشرف باللعب معك .. شكرا لك والعفو منك..

وشكرا للجميع .. ولنا لقاء قريب ان شاء الله

الصدق يارجال عمله مستحيل انها تبور=وترا الديار مريفها ماهو سوات دهورها
مايفور دمي غير لامن احتكم بعض الامور=اللي بحزتها كثير اللي يبطل دورها

الشاعر الجزل ابو سعود صح لسانك وصح لسان شاعرنا الجزل فهد العواضه الحربي
لاهنتم على هذه المحاوره الراقيه وهذا الطاروق الشيق سلمتم ودمتم وبيض الله وجيهكم

الشاعر المبدع ابو سعود صح لسانك وصح لسان شاعرنا المبدع فهد العواضه الحربي
لاهنتم على هذه المحاوره الراقيه سلمتم ودمتم وبيض الله وجيهكم وننتظر المزيد من الجديد