ســــلام يـــــادارٍ تعلا علمهــــــــــــا

سلام يادارٍ تعلا علمها=

بسم اللذي كون رفيــــع السمـــــــاوات = منشي الخيال الممطره من عدمهــــــا
رزاق الأنفس عالـــــمً بالخفيـــــــــات = محيي العــروق اللي الدهر جد هشمها
واليــوم ذيعي وأرسلي يالمحطــــــات = وبثي على اسماع الكـويتي نغمهــــــا
اليوم يـــــومٍ ماتوفيــــــــه الأبيـــــات = لوصخر الشــاعر بيـــــوت ٍنضمهــــا
والشعر موقف للشواعير وأثبــــــــات = والشاطـــر اللي فـرصته يغتنمهـــــــا
وسلام بأزكى طيب وازكى التحيـــــات = ســــلام يـــــادارٍ تعلا علمهــــــــــــا
شــامخ يرفــرف فـوق روس الطويلات = رمز الكويت اللي اعتلى في قممهـــا
ينشر ومرفوعٍ على كل الاوقــــــــــات = رمز الصبـاحي وداره اللي حكمهـــــا
ياكــــويت يـادار الفخـــــروالبطـولات = دارٍ ربينــــا بظلهــــا وفي انعمهـــا
وأميرنا صبــــاح رجل المهمـــــــــات = له القيـــاده تلوق لـــه وأستلمهـــــــــا
ماجات له من حزب ولا جمـــــاعــات = و تشهد سلاطــين العرب مع عجمهــا
حاكم ولد حاكم وريث الزعـامــــات = بوسم صباح ابوه الأول وسمهـــــــا
لاعدت الشيخان صبــــــــاح بالـــذات = رجل السيــــاسه فــاهمته وفهمهـــــــا
سياسي محنك وكم خاض جولات = كم من مهمه فـــاز فيها وحسمهـــــــا
صبــاح كــانه صـار بالوقت ميــــلات = لا نفخت خشوم المعهادي لطمهــــــا
ومع الامم كـــــون صداقـــه وعلاقات = شيخً عطى كل الشعـــوب ورحمهــــا
وولي عهده بالعســـر والمســــــرات = نواف غــــايته الكــويت يخدمهـــــــا
لو ينفق اغلا المـــــــال عنده سهالات = يعطي العطايا و خزنته ماحـزمهــــــــا
من كثـر ماينفق ويوهب بحسنـــــات = ولو في يده لقمه معـــاك اقتسمهـــــــا
لاشك بأهل الجــود رســـم و علامــات = سبحان من علمها فيه و رسمهــــــــــا
ولطيب بوجيه الريــاجيل شــــــارات = وهو على ضن الرجـــال وعشمهــــا
حكامنـــا وفيهم على الطيب هقــــوات = من أسرة نحبهــــــا ونحـتـرمهـــــــــا
آل الصباح اهل الكـرم والمــــــروات = الشعب كله يودهـــــــــا ويحشمهــــــا
هل المكــارم واليدين الكريمـــــــــات = هل الصحون اللي يتقـــاطر دسمهـــــا
يوم العرب ماهي من الجوع تقتــــات = اتقلط اللي من لحمهـــــا شحمهــــــــا
تاريخهم في عصرنا وعصرمن فــات = ماتبهته نــاسٍ تـوفي اذممهـــــــــــا
تـاريخهم مثل الجبــال المنيفــــــــــات = لـو ان الأعـــلام المغفل ظلمهـــــــــا
عزالله مابه شك ولاداعــي أثبــــــــات = ألاان مصــر تحتــاج تثبت هرمهـــــا
اثبــــاتهم لاجـات بالوقت لقــــــــوات = يـوم المدافع فيــه ترمي حممهـــــــــــا
في حاضر الايـــــام ولا القديمـــــــات = لاصـاح صيــــاح الحرايب زهمهــــــا
وفوق الاصايل بالسيوف الصقيــــلات = اما اقحمتك القــوم ولا اقتحمهــــــــــا
غير العزاوي والفشق مابه اصـــوات = الا صهيــل الخيـل ولا رهمهـــــــــــــا
به ترتفع رايـــات وتطيــح رايــــــات = وفيه المنايــــــا فــاتحـه كل فمهــــــــا
ترقب عشـا شهب الذياب المجيعـــات = تبــا الجنايــــز مغرقــــاتٍ بدمهـــــــا
به ترتفع هامـــات وتخــر هامـــــــات = والنصر دايــــم للكويـت ولزمـــمهـا
من زود مانعشقها لو نرحــــل أمـــوات = نوصي عســـــانا نندفن في رممهــــــا
ومن قبل لختم في جزيل العبـــــــارات = نشكر وجيه الحفل واللي عزمهـــــــــا
وصلوا على الهادي كثير الصــلاوات = وبذكر ربــي ابتـدي واختمـهــــــــــــا

اخوكم / سالم بن مناع الحربي

شاعرنا القدير/ سالم مناع الحربي
صح لسانك و بيض الله وجهك على هذه القصيدة الجزلة و الجزال غير مستغربة من اهلها .. و نعم و الله في حكام الكويت الصباح اخوان مريم

صح لسانك
والله يـعـطـيـك الـعـافيـــــــــــة
بيض الله وجهك

	صح الله لسانك ولاهنت وسلم فكرك وبنانك دمت برعاية الله وحفظة

صح السانك وبيض الله وجهك

لاهنت الله يعطيك العافيه

الاخ الكريم/ حميدان العوفي
صح بدنك وماعليك زود تشرفت بإطلاتك البهيه وحضورك الراقي
تقبل تحياتي

الاخ الكريم الحب الباقي صح بدنك ولاهنت يالغالي
اشكر حضورك الراقي
تقبل تحياتي

الاخ الكريم/ بن فرهود لاهنت وصح بدنك يالغالي
تقبل تحياتي

الاخ الكريم/ جريح الفرقا
الله يعافيك وصح بدنك تقبل تحياتي

صح لساااااااااانك

ياسالم

رائعه جدااااااااااااا