خاطرة

الشعر له قيمة ومعنى ومضمون = بيت(ن) معزز والعرب يقصدونه
الشعر مدح ونصح باللطف مقنون = ونهي(ن) عن الباطل ومن يفعلونه
الشعر عند اهل المروات مقرون = بالطيب من مبداه لاقصى غصونه
الشعر بحر(ن) صافي الطعم واللون= حالي كما ذوب العسل في صحونه
الشعر زبدة مخ صافي ومامون = واللي يقدر قيمته مايخونه
در(ن) وجوهر بالموازين موزون= اهل الشجاعة بالذ هب يشترونه
الشعر عند اجدادنا كان مسنون = شيمة عرب من قبلنا يبدعونه
مكانته عليا مع اللي يعرفون= نقش(ن) على صم الحجر ينقشونه
الشعر يبدي ما بداخلك مدفون= يرفع مقام المرء واللا يهونه
الشعر يصل القلب بالرفق والهون= يدخل قلوب الناس ويقدرونه
باضرب مثل فالشعر للعال والدون= ولا اقول انا شاعر يرى الناس دونه
شاعر ولي فالشعر خبرة وقانون = وليابنيت البيت اعزز ركونه
كم واحد(ن) فالناس مبلي ومحزون = ولياتغنى الشعر يبري حزونه
كم واحد(ن) طول الدهر عاش مديون= ساق القوافي وانقضت له ديونه
في ظرف ساعة حط فالجيب مليون= والدين سده قبل ساعة حتونه
كم واحد(ن) فالناس عاشق ومفتون = صاغ القصيدة في مضنة عيونه
زين معانيها على ساس متقون = تعبير صادق ماتغير ظنونه
بين وداد(ن) داخل القلب مكنون= لهل الحسب واهل الحسب يقبلونه
ماقال انا حبيت من كان مزيون= وراح يتغزل في حلاه وزيونه
مابين اوصافه يبا العرض مصيون = من صان عرض الناس ربي يصونه
كان الهدف قربه لناس يعزون= اليا قربهم واحد(ن) يرفعونه
باحلى قصيدة جوه اهلها يقولون= ابشر بمطلوبك ومنا المعونه
نال الطلب والناس جوله يهنون= لاساق جاه ولا تعنت ضعونه
هذا المباح اللي له الناس يسعون = من طاب عرقه سرع طالت فنونه
اما الذي في كل وادي يهيمون= واشعارهم فيها الردى والعفونة
بالقذف والتجريح للناس يرمون= ماهمهم مظلوم لو يظلمونه
نثر(ن) مجمع جوفه الفسق مبطون= عزاه للي علته في لحونه
من ولفه يبقا فحسرات واغبون = دايم وتلقا اهل الردى فالمهونة
درب(ن) به الانذال والكفر يمشون=اهل الشرف من طبعهم يكرهونه
تلقا لعثرات القدم من يداوون= وعثرة لسان المرء تجرح متونه
وانا هرجت الصدق وابليس ملعون= شيخ(ن) وبيبان العرب يعرفونه
ابوي سلم لي على الطيب عربون = ونا بمد الطيب للي يبونه
صلوا على سيد البشر سيد الكون = والال واصحا به ومن يتبعونه

ابوي سلم لي على الطيب عربـون=ونـا بمـد الطيـب للـي يبـونـه
صح لسانك وبيض الله وجهك مدد بلا عدد

وهذي ماهي خاطرة

والله إنها درة وكنز ثمين

لاعدمتك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اللهم صلي وسلم على نبينا محمد وعلى آلِه وصحْبه اجمعين


صح لسانك مليوون يالذيب
وبيض الله وجهك

درب(ن) به الانذال والكفر يمشـون=اهل الشرف من طبعهـم يكرهونـه

والله ابداع

تقبل خالص ودي وتقديري يالغلا


العبيدي .!!

حياك الله اخوي بخيتان مرورك هو الجزل بيض الله وجهك وما عليك زود حفظك الله

اخوي الحب الباقي حياك الله ووجهك ابيض يالغالي

العبيدي صح راسك وشكرا على المرور حفظك الله

بصراحه ابداع الى ابعد الحدود وبيض الله وجهك وننتظر منك المزيد

شكرا اخوي على مرورك ومشاعرك الطيبة والروعة هي مرورك يالغالي

صح لسانك
على هالقصيده العصماء القيمه فعلا
ليس غريبه على شاعر متمكن مثلك
بانتظار جديدك
الممتع دائما
تحيتي