محاوره لجميع الشعراء

يردف ويهدف ويمشي مير مهنا مطير=وطيور ماهي طيور دون جنحانها
انشهد ان العرب من بعضها تستخير=افضل من متابع مجنن مع جنانها

صح لسانك استاذنا ابن حيرالله استفدنا من المرور

هانت عليه ليا حكمت فيها الضمير = حاولتها لين انا قررت ميزانها
اكرم جناحي واحسبه للنهار الكبير = هو نجدتي لاابتلت نفسي بعدوانها

هام العرب والعرب تفهم لعوجانها=والخط وسط الصحاري ماهو مثل السريع
لكن هذي مشاكل عوجت السانها=حاول تفهم وحاول قدر ماتستطيع

يعنى بي الله ويعنابك من الحاسدين = وحنا علينا نميز في الخطا والصواب
واطلب من الله يجعلنا من الفايزين = الكل فايز ولايشكي حساب وعقاب

أبتدخّل ما بين اثنين دام السّجال= حامي و ا بكتب بيوتي دام هي والمه
الحمد للــــــــه ردّينا و زان المجال= و الملتقى اليوم سالم و العرب سالمه

من باب المشاركه

والله يجعلني ماخالف النظام اللي انتم سايرين عليه

ياقبايل حرب مزبنت الجلاوي =يالرجال اللي تشجعنـا بأدبهـا
لو بغيت اعدهم مانـي بقـاوي=خايفٍ لايكون غلطه وارتكبهـا
الكلام الزين بالساحـه هـداوي=والضعيفه هينـه للـي كسبهـا
والجزيله حذرتن تبغـا مـلاوي=والعوارف ماتجيب الا صعبهـا
من يخاو الذيب يلقا له مخاوي=في ظهور اللي مطوات{ن}اقربها
لو طريق الهون والكود متساوي=مالقيت الغاليـه تسـوا تعبهـا

ابا اتعلم عسى التعليم ينفع كبار=وبجتهد في دروس العلم يابوالشباب
يمكن نحصل على تقدير رد اعتبار=والحق يظهر من اللي يعرفون الصواب

مهما حدث بيننا حنا هنا في مكان=يجمع من الناس شرواكم وشروا القروم
وهذا الزمن فيه لتصويت والهيلمان=والحق مايخلفه تكفى ويفلان قوم

مرحبا واهلين يالصقر العذاوي = مرحبا بالطيبة واللي جلبها
والله اني للكلام الزين هاوي = اتبع الزينة واكثر في طلبها
وان بدت غلطة ترى ماني شفاوي = اسمح الغلطة ولا اطول شعبها
للرفيق احساب وانا له رجاوي = والله انا مانحطه في نشبها
وانظروا قولي بعد شفت الفتاوي = قلت طفوها ولا يكثر حطبها
وانت يالبيطار والله ماانت غاوي= اعجبتني حكمة غازي كتبها

حياك الله يابوطلال وترى العلوم والمعنى ماهو حسب ماتوقعته ولكني احاول التسلية ومجارات الشاعر
والمعني من ناحيتي لايخص احد فلكل اخواني معزة ولا حصل امر يوجب ان يلحقنا شك في بعضنا
لك تحياتي واحترامي

انت معلم ولاتبغى من الناس شار = قاري وفاهم كل ما في الكتاب
من قبلنا قال راع المعرفة والقرار = انك معزز مكرم ياعزيز الجناب

ولايجي بيننا غير الوفا من زمان= من قبل ذا اليوم حنا في سمانانجوم
والكل يدلي برايه والمعاني سمان = ولاحد صري من خطا الا نبي معصوم