المجالس مدارس للقلوب الصحاح

دور العرف واكسب من رجال الفلاح= واستمع للعلوم اللي يقولونها
من حضر جلسة الشياب جاها وراح = كاسب من السوالف يوم يحدونها
المجالس مدارس للقلوب الصحاح=كان طابت معانيها مع لحونها
يوم جدي وجدك فالليال الملاح=العلوم احفظوها يوم يطرونها
اعرفو للمراجل بالحلال المباح=والسفايف تراهم مايدانونها
والمشاريب عذبه من عدودالقراح=والعدود الوبيه مايرودونها
يعرفون الدوا للمشتكي من جراح=كل عله وتلقاهم يداوونها
وفي نهار الملا قايحتمون السلاح=يوم بانت ضريبتهم يصيدونها
يو م ضرب السيوف ويوم طعن الرماح = والبنادق بعد جتهم يقدونها
محتمين البيوت ومحتمين المراح=والعدو لا نصاها طاح من دونها
كل واحد ليا سمع الندا والصياح=قال عونك وفزعاتي تشوفونها
قام يصرخ كما صقر طويل الجناح=يوم حاف الحباري يعمي عيونها
والمشاكل لها ناس(ن)تحب الصلاح=لو تزايد نشبها بايحلونها
بالفراسه تعرف الصادقه والمزاح=لا نظروا فالرجال يبين مكنونها
لاحكم بينهم قاض بكل ارتياح= وسمته لاوسمها مايردونها
كان بالحق ولا بالعفو والسماح= كل دعوى لها خطه يمشونها
مكثرين العطا والمد ماهم شحاح = مدة الضيف وا لمحتاج يعطونها
مشيهم مع بعضهم بالنقا والنصاح=والخبايث تراهم مايسوونها
كل هذا واهلنا ماقروا فالصفاح=غير في مجلس العقال يوحونها
شوف تاريخ حرب اهل الوفا والرباح=وشوف سيرة قبيلتنا وقانونها
دايما في مواقفها تشوف النجاح=والمتاعب لك الله مايعانونها
والبشر مثلنا فيهم مريض وصحاح= كل ديره بصاحيها ومجنونها
من مشى في الطريق المستقيم البراح = خطوته بايمشيها على هونها
والختم ذكر من يجري هبوب الرياح = رحمته واسعة والناس يرجونها
ثم صلوا على محمد مسا والصباح = يشمل الال والاصحاب مضمونها

هذا ماجادت به القريحة ارجو قبولها مع المعذرة

لاهنت ياااحسين
يعاافيك ربي ااخوووي
قصيدة جميله صح لساانك مليوووون
الجزله نقبلهاااا وانت جزل ولاهي غريبه عليك
وكل االتحاايااا

الاخ عبد العزيز الحربي شرفني مرورك ماعليك زود يالغالي
لك تحياتي اخوي

يظهر اني مزلته في وقت ماهو مناسب

الأخ الشاعر حسين مريع العبيدي

بيض الله وجهك وصح الله لسانك

هذه الدرر اللتي جمعتها في عقد وختتمتها بذكر الكريم والصلاة على النبي
اللهم صلي وسلم على رسول الله

وبارك الله فيك وجزاك الله خير

تقبل اجمل التحايا

ودمت ودام ابداعك

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الاخ بن فرهود الحربي
صح بدنك وماعليك زود اخو ى ودمت برعاية الله وحفظه

الاخ العزيز ابن خير الله
منكم نستلهم ونستفيد لانكم الاساتذة المبدعين ولاهي رائعة الا بمروركم يالغالي حفظك

صح لسانك يابن مريع

وفيت وكفيت

بيض الله وجهك