بالكيل والصاع .. بعد طول الانقطاع

السلام عليكم ورحمة الله وبركاته

صباح الخير يا عيال العم الغالين

يعلم الله اني مشتاق لكم مير اشغلتني عنكم امور مهمه اسأل الله ان ييسرها لي

وحرصا على التواصل وحبا في انتقاداتكم البناءه اللي عودتوني عليها

هذي مشاركه لطيفة نظيفه عفيفه عساها تحوز على شي من رضاكم

ابدا بذكر الله وهاب الانعام = ربٍ كريم ولا لنا رب غيره
ارسل رسوله بالهدى طيب ولزام = محمد المختار راع البصيره
لين ادخل العربان في حكم الاسلام = بالطيب ولا بالخيول المغيره
وخلف وراه رجال ذربين وحشام = عقولهم من سنته مستنيره
وقمت اتفكر بالليالي والايام = وألد في شام وجنوب الجزيره
واثر الهنوف اللي لها خرص وزمام = طاحت من اقدار السنين الاخيره
من عقب ماهي بين نجران والشام = متربعه فوق السيوف الشطيره
صارت ما غير الجلد من تحته عظام= الله واكبر يالليال العسيره
مير الحقيقه مالقت مثل همام = همام اخو مقدام حسن السريره
ياطا على روس العدا كل ما قام = مصوب الاهداف جبر الكسيره
ماهو مثل واشي وحامد وظلام = وياسر وسالم خان واخو منيره
متخالفين وبينهم عج وعسام = وكلٍ على مسراه يشعب بعيره
والحمد للحاكم على كل الاحكام = رب حكيم ولا لنا رب غيره
كلٍ يبا يلقاه عاصي وصوام = مع الوجيه السود ولا السفيره
وصلاة ربي عد ما فالسما حام = من الطيور كبارها والصغيره
على الرسول المصطفى سيد الاقوام = واصحابه الخطاب وابو هريره

وسلامتكم

وعليكم السلام ورحمة الله وبركاته
صباح الخير يابن العم
قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

الله الله

صح لسانك شاعرنا مدد بلاعدد

تقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	صح الله لسانك ولاهنت وسلم فكرك وبنانك دمت برعاية الله وحفظة

بارك الله فيكم

وصحت ابدانكم

والله لا يهينكم كلن باسمه

الشاعر الكبير عامر العوفي
صح لسانك وسلمت على القصيده
المتميزه والله يعافيك ويسهل امورك
انشاء الله ودمت بصحه وسلامه