لاتحسبني يوم جيتك براضيك

لاتحسبني يوم جيتك براضيك=ولى أدور رحمة" من جنابك.
جيتك أدور علم ماهو بخافيك=تدري وأنا أدري عنه ريح ركابك.
جيتك لعين اللي بطيبه يداريك=لولاه ماسقت القدم يم بابك.
اللي بطيب القلب والجود شاريك=من طيبته هرج البشر ماوحابك..
وافي معك ولى انت ميزه تحليك=لوأنها ماتنكتب في كتابك.
قدام عينه ماتبين بلاويك=ولا راح ماندري عن اللي غدابك؟
تسعى على شانه ولا انكر مساعيك=وتجهل بشر متجمعه في رحابك.
اللي نشوفه ضاع كل الرجاء فيك=وأكبر مصيبه بعد ما الكبر صابك
لاتلتف يمي وضاعت مباديك=ماهمني لوكان بررت مابك.
أنت السبب ماكنت تسمع محاكيك=تتبع هوى نفسك وغيرك بلابك.
كف الغلا من عام الاول يناديك=صديت والصده سبايب عذابك.
خلك على عرفك وعرفك يقديك=لوكان عرفك بالزمن ماسرابك
واليوم لاتحاول ولا عاد يمديك=اللي مضى من طيب ليته كفابك.
خلاص أببعد عن حياتك وأخليك=تلقى جواب اللي يطابق جوابك
اللي علي أدعي عسى الله يشافيك=واللي عليك أنك تدور صوابك

أخوكم
حمود حامد الحربي

صح لسانك حمود الجابري

صح لسانك حمود الجابري

صح لسانك ياشاعرنا المبدع حمود بن حامد الجابري وافيه من راس وافي لاهنت سلمت ودمت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

سعد نفاع الجابري

هلا وغلا فيك




وصح بدنك

صح لسانك ياخوي وعلا شانك

قصيده وافيه ومن راس وافي


لاهنت ولاهان هذا الحضور


تقبل تحيتي

بيض الله وجهك على القصيده


الله يعطيك العااااااااااافيه