الليله الموال

انته تعرف اني رجل دبلوماسي = حتى لو ان الوضع ماهو سياسي
واليا حضرت اكون باللعب اساسي = يالله على بابك يافتاح الابواب

لي فيك هقوة ياطويل العمر ماهي هقوتين = وانا ادري انك قدها وانا ادري اني قدها
الفرق واضح بين حاضرنا وهذيك السنين = ذيك الليال اللي مياسم حرب قدت خدها

الوقت الأول راح يا سالم وراحت رايتين=الله وأكبر يالسيوف اللي رهيفٍ حدها
يا كم ما عرّق جبين وكم ما دمّا جبين=وياكم ناسٍ يا وسيع العرف تُكسر يدها

صحت السنتكم مبدعين

انا محتار اكون بصف من ؟؟؟؟؟؟؟؟؟

لكن الراجح ان اكون مع المبتدي

الله يعطيكم العافية

صحت أبدانكم


مروركم شرف


ومتابعتكم فخر

صحت السنتكم ياشعرائنا العمالقه على هالموال الجزل والطاروق الكايف وبيض الله وجيهكم
ولا نعدم وجودكم سلمتم ودمتم

لا تامن الجاهل اليا صرت عاقل = ان طب بالملعب يبا يجيب فاول
وان قلت ناول قال ماني مناول = يالله على بابك يافتاح الابواب

تدري وش اللي ضيع العربان تصفيق اليدين = كم شخص لو رددت له شيلة شعر ماردها
واليا نشدته قلت وش رايك تفلسف يا معين = يقول يازين القصيده ذي يلعن جدها

نشكركم على مروركم العطر

وكل النجوم تغيب غير الجدي نجمه ما يغيب

لي الشرف طال عمرك انك تجي بصفي يالجدي

إن شات بالرجل الشماليه بتصدم باليمين=ويقول للكبتن تجي لابدها لابدها
ليته تريح في محلّه لايدان ولا يدين=ويترك بحورٍ ما عرف وش جزرها من مدّها

صح لسانك ابو سنيد والمعذره عن الرد الآن لان فيه طاروق رديت فيه على ناصر ومن باب الميانه يمكن اجل هذا الطاروق

اللي تأمر فيه يا ابوخالد