( مهم إلى الشاعرالقدير / عيسى العوفي)

ح
ط
م
ب
م
ك
ر
و
ب
ه
ج
ه
ا
ز
ا
ل
م
ن
ا
ع
ه

خوتك عندي ماتثمن بمليون=هذي حقيقه ماصطنعها صناعه
حيثك من اللي يسكن القلب ويمون=عيسى ولد رجعان نعم الشجاعه
هيااستمع والعلم بيّن ومعلون=عجل وهات الحل سمعا ً وطاعه
الفين وربع سته اشهر يزيدون=صاحبك كم له لايع الود لاعه
فيروس ود وصار بالقلب مكنون= حطّم بمكروبه جهاز المناعه
انشد وتلقاني من الود محزون=من بعد ذاك الوصل جاته قطاعه
ريمية ٍ تقتل فؤادي على الهون=وتجدد جروحه على كل ساعه
وجدي عليها وجد فارس ومطعون= طاعنه في ضهره اخوه برضاعه
جديلها من ريحة المسك مدهون=والعود مثل الشمع زايد مياعه
من شافها معذور لو صار مجنون=لو كان شيخ شيوخ تخلف طباعه
قلبي لها يابن الكريمين مرهون= حتى شبابي راح بعده وداعه
مير البلا من دونها جيش فرعون= والفرد قالوا مايضد الجماعه
وصلي على اللي اطهر انسان مدفون= شفيعنا في وقت قل الشفاعه

الشاعر/ خالد بن عبيد بن معتوق ألأحمدي

صح لسانك اخوي خالد
واعذرني اذاكان الرد غيرمجزي لانني تعرف هالايام اختبارات
والعمل ايضا.. والهواء ..هههههههه
وخلها على ربك

هات القلم واكتب ملخص ومضمون=مجمل كلامي واطبعه بالطباعه
للي دعاني في ابيوته ولايهون=وعن الهواء والعشق صاغ انطباعه
شاعر نظم قافه على العين والنون=اثبت جدارة شاعر بختراعه
هلاهلابك عد منهم يصلون=وسط الحرم صفوا وصلوا جماعه
عرفك يشرفني ولو تطلب تمون=حاضر على الخدمه تراها وداعه
كان الرفاقه كيف حالك و واشلون=وباللازمه ننحاش ماهي اطماعه
رفقة لسان ومصلحه يالله العون=والياقضى اللازم لقط لك اكراعه
لوتنشري خوة هل الطيب يشرون=في عصر كثرالنصب به والصياعه
ياوي عصر راعي الطيب مغبون=من كثرمامرت عليه اللكاعه
نعم الرجال اللي على العهد يوفون=مايجحد المعروف غيرالخثاعه
والعذر ياخالد ترى القاف مجنون=طلعت عن موضوعنا ربع ساعه
انا ادري انك في هواء البيض مفتون=ولالوم قلب لايع الود لاعه
قلبك خضر مثلي من الود مطعون=يعني على قولت سوا في البضاعه
لاشفت ملهوف الحشا واشقر اللون=راع العبايا اللي بمشيه مياعه
معاد اشوف اللي على الكون يمشون=وقلبي العنا عندي تقوبع اشراعه
وقام اللسان يقول ويهمهم اللحون=والقاف للعاشق قوي اندفاعه

صح لسانك

صح لسااااانك

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم
..
..
أسجل اعجابي
..
ويعطيكم العافيه ..
..

صحة السنتكم وبيض الله وجيهكم

قصيده ومردها

جزلات الله لايهينكم ويعطيكم العافيه

صحت ألسنتكم وبيض الله وجيهكم

شعراء رائعين ومبدعين

قصيدة رائعة ورد أروع .

شعراء كار و محسوبين

صح السنتكم و بيض الله وجيهكم

عرفك يشرفني ولـو تطلـب تمـون=حاضر على الخدمه تراهـا وداعـه
مشكووور اخوي عيسى العوفي
كفيت ووفيت وماتجيب إلا الجزل والله يوفقك