ياأبو محمد بعد ماعفت وأنكفت

السلام عليكم ورحمة الله وبركاته:
أعضاء وزوار ملتقى حرب
أهدي لكم هذه الأبيات كمصافحه أولا لي .
وأتمنى أن تنال إستحسانكم

ياأبو محمد عقب ماعفـت وأنكفـت =من طرد حذرات الخشوف وصلفهـا
اللي لهن مـع كـل ملقـاف لاقفـت =وقتٍ مضى روحي غلاهـن شعفهـا
عقب استرحت بدون ميعاد صادفـت =اللي لـدرب الغـي نفسـي صرفهـا
يوم لحظتني بالمظاليل خـف خفـت =وخفتن جاء عقلـي مـرودٍ خطفهـا
وقفت وقَّفـه حايـرٍ مـا تصرفـت =معهـا وهـي فيـه تحقـق هدفهـا
بسهوم نجلٍ مـن نظرهـن تعرفـت =أسرار غاياتـه وهـو مـا كشفهـا
لكن بواقع خبرتـي مثـل ماأسلفـت =أفسـر النظـره مــن لا عرفـهـا
حقيقتن فـي قولهـا مـا تزرهفـت =ومثلـي معَّانيهـا يبـي يعترفـهـا
ورجع ولمحلك عن أوصاف من شفت =عمهوجتن يفتن بهـا مـن صدفهـا
أن ناطحـت لغرتـن يـوم وصّفـت =شمس الصباح اللي مشعشع طرفهـا
وأن عرضت له لخدتن كنها البفـت =وأن دبـرت ذيـل الكحيـلا أزلفهـا
مهما وصفت أن ما تقصرت ماضفت =جل الذي بجمـل وصايـف وصفهـا
ياليتني في عـرف أهلهـا تشرفـت =بنت الرجال اللـي نزيهـن شرفهـا
أقفت وهي ماصارحتني وأنـا خفـت =مـن كلمتـن تكثـر علـيّ حسفهـا
لو شفتنـي ياأيـو محمـد توسفـت =في وقفتن ما ينحسـد مـن وقفهـا
عليّ أصعـب موقفـن فيـه وقفـت =في وقت لحظت شوفهـا ومحرفهـا
فرصه لها يابـن المناعيـر طوفـت =خوف وحياء وأرجي من الله خلفهـا

الشاعر/ زامل العوفي

الله الله الله

صح لسانك مليوووووووووون

قصيده رائعه بروعت شاعرها

سبك وحبك من النوع الفاخر

ابداع وامتاع يازامل

تقبل كل الود والتقدير

أخي الكريم
زامل العوفي
وعليكم السلام ورحمة الله وبركاته

صح لسانك
وطابت معانيك

الشاعر الرائع زامل العوفي

صح السانك وبيض الله وجهك

وان شاء الله نجد الجديد منك يالغالي

بارك الله فيك

اخيك ابوروان

الشاعر الكبير والمبدع زامل العوفي

صح لسانك

قصيدة جزله

الشاعر القدير/ ناصر الحربي


صح بدنك

شرفتني بمرورك ومتابعتك وشهادتك محل الفخر والإعتزاز





لك مني جزيل الشكر والتقدير

الشاعر القدير / إبراهيم الردادي

صح بدنك

تشرفت بمرورك ومتابعتك



لك مني جزيل الشكر والتقدير

الأخ الغالي / أبو روان النويمي


شرفتني بمرورك ومتابعتك

صح بدنك وبيض الله وجهك أنت كذلك ياأبو روان

غالي والطلب رخيص

عسى الله يقدرني على طلبك


لك مني الشكر والتقدير

الحب الباقي حبك الله




صح بدنك


شرفتني بمرورك ومتابعتك


الله لايهينك





لك مني جزيل الشكر والتقدير

لاوالله ألا الشيوخ والقصيد القوي والقوي

ماله ألا الشاعر الكبير زامل العوفي

لاوالله وجودك اكبير مكسب واكبر فرحه بالمنتدى

مثلك وشروك لو نعدهم بين العرب ترتيبه فالعشره ودون

انا اشهد ياشاعرنا الكبير

زامل العوفي

امدك الله بالصحه والعافيه

وصح صح السانك المبدع