((مليون)) رساله إلى غائب

	المشاركة الأصلية كتبت بواسطة احساس ليل

	نص رسالة حميدان لزوجته ويوم نقلون من سجن اراباهو نقلون بحراسة شديدة وصكروا الشوارع بطريقنا وتقريبا ست سيارات ورشاشات والصاعق على جسمي ووالله ما همون ولا انهنت بسببهم، ولما وصلت السجن عرون تعرية كاملة حسبي الله عليهم وفتشوا جسمي وانا عاري حتى عوراتي فضحهم الله، وبعدها كلبشون وصليت وانا مكليش صلاة الظهر من نفس اليوم، همن حلقوا لحيتي حلق كامل حلقهم الله وترجيتهم وعيو وقالوا لدواعي أمنية، على كل ما زعلت ولا هاوشت ولا شئ لأنهم يبغون يستثيروني، الآن أنا اكتب لك من غرفتي وأنا لحالي في الغرفة ولا زلت أنتظر وجبة السكر والاسلامية والسكر مرتفعين علي بسبب اعلاقهم علي حتى 23 ساعة ويطلعونا ساعة وحده وقابلت وانا افحص السكر وطلبت منه يعيرني نسخة من القرآنأ ارجو أن تستعجلوا بارسال القرآن وكتاب الادعية، وقولي لمؤيد كل أسبوع يرسل حاجة، ...السوليف كثيرة، وترى المحامين الظاهر ما يدرون إني نقلت إلى سجن ثاني قولو لهم إني في DRDCفي دنفر، ... ، سارة ...أولا طمنيني عن أمي وش أخبارها، أرجوك صبريها وذكريها انها محنة وفي كل خير وإن أبو تركي طيب ويسأل عنك وإنه يقول يا أمي والله إني مقصر وأحبك تكفين أرضي علي و اصبري و حلليني في تقصيري عن برك و إن فرج الله قريب ، و أرجوك ... ولا أوصي سارة إنك تهتمين بها وتعوضينها سنين وغيابنا عنها وحرصي الأولاد عليها وعلى برها وبر أهلي كلها وقولي لهم يزورون أبوي في المقبرة ويبلغونه سلامي.

الاخت المشرفه

احساس ليل

اشكرك على نقل هذه الاسطر

ولي عوده لتصفح هذه القصه

الوقت لايسعفني الآن

ويش خمسه كـل ابوهـم فاهميـن
قول يبدو لي ولا هو مـن فـراآآآغ

يعشقون الزين من حلـو الرطيـن
ويرفضونه يوم ماهو مستسـاآآآغ

اربعـه للـروس دايـم عاصبيـن
و واحد(ن) منهم فقط عاري دماآآآغ




مين يعرف الحل ؟؟؟؟؟؟؟؟؟؟

حتما سنصل... ولكن الى اين..؟
الكل بانتظار ......الوصول...!!
هناك من يمارس سياسة الاسقاط....!!
كالطفل الغرير ... الذي يعشق ان يصبح له كل شئ...!!
ويحاول التقليل ممن يحاول الوصول....!!
عذرا ....فالجنون نعمة.... عند بعض العقول... التى تدعي العلم...
وهي لا تعلم انها لا.....تعلم....!!
حاولوا وسوف احاول معكم .... ولكن ... ارحموا من يغار.....!!



القلم الحربي

اشهد ان ما للثمين إلا الثمين=ما على بال الرسول إلا البلاغ
الله انه يستر المسرع يلين=ياصله والحل بموال الرواغ
دام الاربع كلبوهم طيبين=الكفر ماهو للباس الشماغ

لاعاد تنشدني عن الغايب اللي=من غيبته عن قلبي الحزن ما غاب
وش ما حصل لو قلت لي وش حصلي=دون المنيه شفت قالات وانشاب
اغيب مع طيفه عن الناس كلي=من اخمص اقدامي الا روس الاهداب
وجدي وجود اللي ضحى الكون خلي=دمه يثوع من اول الخيل منصاب
من عقب ما هو للشداد متعلي=راجت عليه خيول عكفان الاشناب

بعد أن قرأت قصيدة

الشاعر العلم/ علي الحصني

جادت القريحه بهذه المجاراه التي أعبر فيها عن مدى إعجابي بقصيدة

الشاعر / علي الحصني

فإليكم قصيدته والمجاراه

ياعبيد بعض الحلم يصبح مغـره=قلته بعد صدق على السمع شوفي
ما كل نون له مع الارض جـره=ولاكل من واعـد بميعـاد يوفـي
شفت السحا يب ورتجيت المسره=قلت المطر جاني وزانت ضروفي
00سحابتن غطت نجوم المجـره=براقها يشبـه لميـع السيوفـي
خا يلتهـا بلعيـن مـره ومـره=قدامهـا لاوخـسـارة وقـوفـي
هلت علي العصر في راس حـره=لكن ما هـا مـا يبـل الكفوفـي
انا حسبن العلـم واصـل مقـره=واثر النقط صارت بجنب الحروفي
غصت البحر من بعد ما دجت بره=وحصلت به دره عديمة وصوفـي
درة بحر ماهـي مثـل كـل دره=من دونها تقصر يدين الضعوفـي
هذ ى والنا ماني بقصاص جـره=لكن ابا استا في مدام انًي أوفـي

وهذه مجاراتي وآمل أن تصل إلى قلوبكم

عـد الــروى ياعبـيـد لله دره=يقطع ضمى صافيه عطشى شفوفي
يقطعك نون مـا بشوفـه مبـره=ليا قلع سربـه عتـي الشعوفـي
يكفيك عن خيره ليا اكفـاك شـره=ما كـل سعـيٍ للعبـاد مخلوفـي
والعـي لـو يعطيـك مثقـال ذره=عيفك بالجدوى لسـان الزهوفـي
اللي على الغـرات منقـوز جـره=زِله ولا تكثـر عليـه الحسوفـي
وقافٍ نعش دولاب فكـري وفـره=قام يتغلغل مـع معاليـق جوفـي
أقرى حروفه واستعيـده واكـره=من سلسبيلٍ مثل نقـع القنوفـي
من هاجسٍ راهي ومن نفس حره=ماهي هجوس مروجعين الحلوفـي
اللي لهم في كـل فزعـه مضـره=لاهم معازيبـي ولاهـم ضيوفـي
يشره علي اللـي عليـه اتشـره=طبعي عيوف ولااغبط إلا العيوفي

هذه القصيده من اقدم قصائد اخي محسن حويان الغيداني

حبيت اطلاعكم عليها

امل ان تحوزعلى رضاكم

ياليت بيني والحبيـب جهـازي=واكلمـه دون العـرب تستفـزا
هات القلم والبوك يالورع جازي=واكتب بيوتٍ كلها باحرف الـزا
نبي على حسن الكلام امتيـازي=لعـل يدلـه خاطـرٍ مشمئـزا
عزالله اني لو تلزيـت جـازي=لو كان حالي في كرامه وعـزا
وانا عزيز بوسط ربعٍ عـزازي=بس المولع جـازيٍ لـو تلـزا
ياتـل قلبـي تلـةٍ بانهـزازي=على اللذي لاقصى المعاليق جزا
العنق عنق اللي يقود الجوازي=وان ذار من قفرٍ رعابـه وفـزا
وعين اللذي مرباه قمة خزازي=حيث الحرار لكل عالـي تنـزا
تحب روس الشامخات النوازي=دايم بـراس النايفـه تبرهـزا
ياابو حمود اشكي لكم باعتزازي=وحنا اللذي في مثلكم نستعـزا
حيث انكم من لابةٍ ما تهـازي=مثل الجبال الراسيـه ماتهـزا

	المشاركة الأصلية كتبت بواسطة القلم الحربي

	حتما سنصل... ولكن الى اين..؟ الكل بانتظار ......الوصول...!! هناك من يمارس سياسة الاسقاط....!! كالطفل الغرير ... الذي يعشق ان يصبح له كل شئ...!! ويحاول التقليل ممن يحاول الوصول....!! عذرا ....فالجنون نعمة.... عند بعض العقول... التى تدعي العلم... وهي لا تعلم انها لا.....تعلم....!! حاولوا وسوف احاول معكم .... ولكن ... ارحموا من يغار.....!! القلم الحربي

هذا حال الدنيا يا صديقي

في كل يوم نعيش مفترق طرق

حتماً سنصل

لكن لن يكون ذلك دون ألم

فهل نحتمل

لانريد للجرح ان يندمل

فكيف نغتال الامل

,,,,,,,,

انا علي اسهرك ياليل للصبح=لو بس اردد فيك مطولك ياليل

على هليل

كلمات رائعه