ياماحـلا هـبة الوســمي = ادخل وشارك يالنشــمي** قصيدة مجارات لكل الشعراء ، حتى الربيع

ياماحلا هبَّةِ الوسمي=ليْنْ أَبرقتْ هلَّت امطاره
إدخلْ وِشاركِ يالنشمي=بالشـعـر سولِفْ لنا أخباره
مع تحيات الشاعر:=: ابوبندرالرشيد
مُسْتَفْعِلَنْ فَاعِلَنْ فِعْلَنْ=مُسْتَفْعِلَنْ فَاعِلَنْ فِعْلَنْ
*************=************

	قصيدة مجارات ، كل شاعر يشارك ببيتين او اكثر ،لتبادل المعلومات والإنطباعات عن الوسمي وآثاره وتأثيره على حياة الناس ، حتى ظهور فصل الربيع ،،، الهدف التشجيع على المشاركة الدائمة بالمنتدى وذكر مايفيد 0

سلام في الملتقي الرسمي ** لربعي هل الفعل في الغاره
وشاركتهم واحتمي قسمي ** بالخيل والزند والتعبيروالشاره

الحمد للـه السـما تهمي=والحقل فاضتْ لهْ آباره
ليْنْ قَبْقبَ الفقعُ والمكمي=كل(ن) رحلْ يطلبَ آثاره
مع تحيات=ابوبندرالرشيد

الله يعطيك العافيه الشعر النيطي مافيه تفعيلات وراجع لحنك بالديونه هيجنه غنه ويطلع لك الخلل عندك كسر واختلال بالوزن


شكرا لك علي جهودك الطيبه وتقبل مروري

لازال غيم السماء يرمي=والله يستر من اخطاره
والغيث مطلب وشي حتمي=والله عالم بأسراره

اللـه لنا مِن الخطـر يحـمي=ندْعو نِكـثِّرْ منْ أذكـاره
إنْ الغـديْرْ يغـْدرَ الآدمي=إحـذرْ تِخـَيَّمْ بِِمِـجْراره
مع تحيات الشاعر:=ابوبندرالرشيد

	سـجل تشرف هذا الموضوع بمشاركة الشعراء ،،، كمايلي :-

[

ياماحلا هبَّـةِ الوسمـي=ليْنْ أَبرقتْ هلَّت امطاره
إدخلْ وِشاركِ يالنشمـي=بالشعر سولِفْ لنا أخباره
سلام في الملتقي الرسمي= لربعي هل الفعل في الغاره
وشاركتهم واحتمي قسمي= بالخيل والزند والشـَّاره
الحمد لله السما تهمـي=والحقل فاضتْ لهْ آباره
ليْنْ قَبْقبَ الفقعُ والمكمي=كل(ن) رحلْ يطلبَ آثاره
لازال غيـم السمـاء يرمـي=والله يستـر مــن اخـطـاره
والغيث مطلب وشي حتمي=والله عــالـــم بــأســـراره
الشاعر: ابن خيرالله الردادي=نائب المشرف العام
الله لنا مِن الخطر يحمي=ندْعو نِكثِّرْ منْ أذكـاره
إنْ الغديْرْ يغْدرَ الآدمي=إحذرْ تِخَيَّـمْ بِِمِجْـراره
لو يعلم الشيخ ابن عسمي=يحـتـار ويطـفـي انـــواره
ولابــد للسالـفـة حـسـمـي=لافّـتــق الـعـشـب نـــوّاره
والعشب في روضة محمي=يعجبك لاشفت لازهاره
ويوم الدسم والعشاء دسمي=الجار منشود عن جاره
تسمنْ بها الأبلْ والبهمي=َفاح الخزامى بإعطـاره
والطير غَّرد لنا النغم(ي)=شْبعِ(ن)بعشَّهْ وأوكـاره
لارّبع العرض والوشمـي=الـغــيــث يـاكــثــر زواره
طلبك وامرك على خشمي=وبحضـورك نقـدم بشـاره
من الشرق الى سهلة التهمي=عسى الحيا عام لدياره
آباره إتفيض واتزمي=والعشب يخضر باقطاره
يرعى به الضين و الادمـي=ما بين "طخفة" و "جـرّارة"
و تشرب من أمطاره القدمي=ما تشـرب المـا بمطّـاره

لو يعلم الشيخ ابن عسمي = يحتار ويطفي انواره
ولابد للسالفة حسمي = لافّتق العشب نوّاره

والعشب في روضة محمي**يعجبك لاشفت لازهاره
ويوم الدسم والعشاء دسمي** الجار منشود عن جاره

تسـمنْ بها الأبلْ والبهمي=َفاح الخزامى بإعطـاره
والطير غَّرد لنا النغم(ي)=شـْبعِ(ن)بعشـَّهْ وأوكاره