ياسلامي سلامٍ فيه هاك وهات=من هجوسٍ تجيله مايدورها

حمدفهيدالحربي=
ياسلامي سلامٍ فيه هاك وهات=من هجوسٍ تجيله مايدورها
عيبه انه صريح ولا يحب الذات=والمثايل تطيعه مايكسرها
جريح الفرقا=
مرحبا ترحيبتا مابها لنــــــات =من هجوس تدور من يعمرها
ادع ربك ياحمد يستر الخلات=والمثايل لها حــــــــزه تفجرها
مضحي بن جمران=
مرحبا يالمسلم طيب الشرهات=من هجوس(ن) تدور من يحاورها
انت شاعر ولك فالملبعه وقفات=احتزم للمعارك دام خابرها
رد ه على جريح الفرقا=
انتبه للخلل ثم احذر اللفات=تدرجبك وثم يطير تايرها
المعاني سمينه من على شاشات=كان ودك على القمه نقررها
رده على مضحي بن جمران=
البقا يالمسلم وفحص الابيات=لاتطوفك معاني ماتنيرها
من يبا الحج لايقصر عن الميقات=يذكر الله ويسعى في مشاعرها
جريح الفرقا=
لاتوصي وانت سايق حدا الهافات=منين ماسييرت نبي نسايرها
االمسمى ماتغير به الجزلات=ولو تبي حتى الجريحه نحررها
مضحي بن جمران=
انسحبنا وقل لمكبر اللقمات=لقمته ياصحيبي لايكبرها
لاتضيع حمد مع مضحي الهقوات=كيف ينبش جنازه كنت قابرها
رده على جريح الفرقا=
يوم دور الونيت وسكبت النبات=ونت في كوت صفرا ماتزررها
والمسمى نخبره خبر ياصنهات=لاكن البندقيه لاتثورها
رده على مضحي بن جمران=
اه يامطيب اللي وجه الغارات= من تجي فوقها لازم تدمرها
الهقاوي لنا في حزة البصمات=كر عودتك يمي ثم صدرها
جريح الفرقا=
في شماغك جيت تومي علي الساقات=كبرشرهتك الرواسي تطمرها
راح خبرٍ تخبر فات مع هيهات=مالها درب وانته جيت باايسرها
مضحي بن جمران=
والله انك حمد نشبه من النشبات=النوادر تحدر من نوادرها
ياحمد طيعني لاتنكب نكبات=الجبال المقيمه مانت قادرها
رده على جريح الفرقا=
لا تكلم تراي اوحي وراك اصوات=هرجتن يعلم الله كيف افسرها
خابر انك عريفٍ تمسك لساعات=ماتمل الخفاره بين عسكرها
رده على مضحي بن جمران=
اعترفلي واوقع والامور سكات=سالفه بيننا محداٍ بمظهرها
انت تاجر ولا تصرف من شيكات=لاكن الليله اللي تي تجيرها
مضحي بن جمران=
ياسمي الزواحف يافت الافات=عكرتك لوتكسر من يجبرها
انت لومت مانته تشبه الاموات=روح راحت روح(ن) معك ذاخرها
جريح الفرقا=
اتكلم وابين بساعة الوقفات=دون حرب العريبه نكسر اعسرها
ماانت واياالصحيح وضعة بالطوشات=والجميله جميله منك واشكرها
حمدفهيدالحربي=
رده على مضحي بن جمران=
لو سميي تكلم جالكم شمات=يوم عينك ورا ضبان وعكرها
وانت مضحي سميك يقبل الطيحات=ارفع البندقيه وين حدرها
مضحي بن جمران=
يستر الله وتبطي ساعة الشدات=باللوازم رجال الجود ماحقرها
والسوالف مزوح ولابها ميلات=والقشر شلته ماني مقاشرها
رده على جريح الفرقا=
امرست فيك عوبا يصلع الجمهات= ثم ضاعت علومٍ كنت خابرها
والصراحه هدفها بشباك انشات=خوذها بلبطيه من مصورها
رده على مضحي بن جمران=
مابلشنا بمثلك طيب النيات=فوق صفرٍ يدق القاع حافرها
سوقها في نحاها وثنين الفخات=لاكن الحوم عيا يطير طايرها
مضحي بن جمران=
نذخرك يالسنافي ساعة الهيات=وكل هيه نبيك اللي تباشرها
فعل ربعك يقيض المبغض الشمات=الفعول المهيله كيف ماذكرها
حمدفهيدالحربي=
ابشـرو فـي زنـادٍ يشعـل الساحـات=لــو ابـوزيـد راع الفـيـد حاضـرهـا
كان حضي لمع في فيضت التنهات=فـــي حـــلالٍ تعاقـبـهـا مـبـاخـرهـا
مضحي بن جمران=
للحيـا فـي وجيـه اهـل الحيـا شـارات=والـشـبـور الـرهـيـه مـــن يـشـابـرهـا
حرب حرب الحرايب واهل الشيمات=براس عيطا الخوي ومن يقاصرها

مراقبنا الغالي الشاعر الحب الباقي لاهنت على هذا النقل سلمت يمينك واشكرك جزيل الشكر الله لايخلينا منك ومن كل جزل شرواك وتقبل مني صادق ودي وتقديري واحترامي لشخصك الكريم الله يحفظك ويرعاك

محاوره رائعه شكرا لراعي الجهود

با رك الله في الجميع محاوره ثلاثيه رايعه اول مره تمر عليا والا اثنين ضد واحد
سلمتو علا جزالتها

شكرا لهذي الجهود الرايعه

الله يـعـطـيـكم الـعـافيـــــــــــة على المرور
بيض الله وجيهكم