رسائل منوعه

	المشاركة الأصلية كتبت بواسطة حسين المعمري

	الله الله الله ما انت بسهل يالبناخي صح لسانك يعطيك العافيه وصح لسان ابن وعد

الولد لاطاب طيبه من خواله=بالخوال يسال قبل الوالديني

صح بدنك يالخال والله يعافيك والشر مايجيك لاهنت لاهنت لاهنت ياشوق البنت ولاعليك زود ياحسين المعمري بكل جزله وتقبل مني فائق الود والتقدير والاحترام

	المشاركة الأصلية كتبت بواسطة مضحي بن جمران

	السلام عليكم ورحمة الله وبركاته هذا الشاعر يعجبني كل مايكتب وبحكم القرابه بيني وبينه والميانه فارسل له دايما عن مايدور بخاطري وهو كذلك وكانت مواضيعنا لاتخلوي من المداعبات بيننا والمناوشات بالذخيره الحيه احيانا واحيان بالصواريخ بعيدة المدى وكل الامر ومافيه مناورات روتينه لطرد الضغوط والترفيه عن النفوس اللتي اتعبتها مشاغل الحياه وصخب المدن وروتين العمل واليكم نماذج لبعض ماكان يدور بيننا من مراسلات ياللي قطعت الاتصال بصاحبك منذو سنه=ويش السبب يالصاحب الغالي بقطع الاتصال انكان مخطي صاحبك او شفت لك هفه منه=ياما من الزللات والمعصوم واحد فالرجال اشره على الطيب ولو ماهمني مانشد عنه=اشره عليه وهو اقدر شرهته في كل حال ولا استمع به ماتلوكه فيه بعض الالسنه=حيثه قمر يبقاء قمر لو بعض دوراته هلال مير الدهر يزين يوم ويوم ماحدٍ يضمنه=وبنادم النادم مابين المايله والاعتدال ياللي تشره شرهتك مقدره ومثمنه=واسواق بقعاء من تجولنا بها شفنا الهوال ياتاج راسي مرحبا اقلط واعشيك بدنه=ليا بانت الشمس القمر ماله عن الغيبه مجال والادمي من فطرته مابين سيه وحسنه=ياشامخٍ نلوذ به لهب نسناس الشمال ارفق تراء كبدي تفور من اللهد ومدخنه=وادخل على الله والرشا لايستوي فوق المحال واللي له لسانٍ يلوك انسه عسى الله يلعنه=والذيب ماشال الزمل لله ول الله الكمال رساله من /عبدالله بن وعد على مضحي الجمران نلقي تحية ود=نوده ووده ودي انه يلفيها سجايا خواله سابقتها سجايا الجد=وانا ودي اكحلها واخاف اني اعميها ورد عده الماضي وانا واردٍ لي عد=نفوسٍ نوردها عساء الله يشفيها بحوره لها جزرٍ وانا في بحوري مد=على جزره ومدي تعود المباديها رد/ مضحي بن جمران هلا مرحبا ياشاعر النظم هو والرد=ولاهنت ياراع التحيه ومهديها مع الذبذبه ماوقفتها مراكز حد=رصاصة صويبٍ صوب الاهداف قاديها انا اقول مامثلك ولاكن بلاك الصد=لامنك بفيت الطيبه مانت مخطيها لاهاج البحر لو كان قدمه عقوم وسد=مياهه تشيل اللي توطن بواديها اعرف الغشمري رجلٍ طليق حجاج ويهلي=رجال المرجله شرواك ماني غاويٍ فيها انا لاجيت سوق المتجر اعرف ربعٍ لي=عرضت تجارتي والمتجر شرواك تشريها تراء لولا الخطا اللي ارتكبه الحاج متولي=لاكان الحاج متولي تريح في تواليها عرفنا مكمن العله ويدنا مابها حلي=على ماقيل ماكل العلل نلقاء مداويها رساله من نوع اخر المرسل /عبدالله بن وعد الحربي ابن جمران لو ممشاه سيده=لزوم يلف ويدور بقصيده مريد وله شياطيينن مريده=على يسراه تصفق بالايادي يهيم بساحل الخفجي لحاله=وابو مره يلقم له دلاله يزود الشيب وتزود الجهاله=ولو انه غدا ماقلت غادي لحق متوالي بدار الكنانه=ركب زروال واطلق له عنانه قرينه والاريكه في لسانه =يهيم بساع من وادي لوادي رد مضحي بن جمران ابن جمران ياربي تعينه=لااجل يفزع لواحد يستعينه ولا ترضيه ياغير السمينه=ابا اذبح له ليا خربت جوادي يذكر فالحساء ماهو حساوي=كفانا الله من شر البلاوي يزين الوقت ونرد الجلاوي=وهذا الصح والعلم الوكادي نبا نغريه في رفقه سعيده=ليا جاء منك يالدار البعيده ولاهي تصفق الكف الوحيده=نتمه لاتلاقن الايادي

تهديد شديد اللهجه
من/عبدالله بن وعد

يامضحي من فضلك ولطف احسانك=تفكنا من لذع شوط لسانك
انا ادري انك تقدر وبمكانك=تغثني كان اشتهيت الغثه
لاكن تعوذ من عدو الامه=قرينك اللي تستظل بكمه
لايجدعك في غيهبان الجمه=مثلك على الدرب السوي نحثه
ابليس يلعب لك ويلعب عندك=امسيت من جنده وهو من جندك
ساعة لبسك وصار زنده زندك=عانك على سوك وقمت تبثه

رسائل تهديه
من/مضحي بن جمران

زعول وش بك ماتداني حاجه=برد اعصابك داخل الثلاجه
اللي مثل حالتك هذا علاجه=لاتلتمس يابو الثياب الرثه
ابليس ماله عندنا مدخالي =يضرب براسه فوق حيد الجالي
عصب على الحرمه معا الجهالي=واحرص على السبحه خرزها تبثه
مانته برايح لين يضحك سنك=عساء القرايه ذي تطلع جنك
لاطاب في صاحبك مضحي ضنك=اضحك على العدوان جثه جثه

التهديد لايزال مستمر
من/عبدالله بن وعد

ابن جمران فطرنا تميز وحط به كافور=وعشاء ضيفه العاني على شانه طحينيه
نسوق إله الجلال من الجمال ويعتبرها ثور=ولاادري وش علام الشيخ تاهة عن حراويه
عزيزي سقت لك دانه وجاتك ثوبها مزرور=وشقت جيبها عندك تصيح وتعتزي فيه
هقية ارواحنا روحين في روحٍ كساها نور=ولاكن عودت صقها عقيم ولحمةٍ نيه

رد المظلوم
مضحي بن جمران

ابن جمران ماهو حكومةٍ تحيى الديار البور=ولاهو في ثليم اللي مكلف فالفداويه
راع الجزلات لاجاب الجزيله قول له مشكور=وراع الهزلات ماضنك تلفت فيه موليه
تراء اللي يرزق الحر القطامي يرزق العصفور=ولاضاعت رعيه دامها بالعين مرعيه
لاكن الفانيه ماحدٍ لقاء فيها بنات الحور=جهاز الحور حسنات الرصيد وهجرت السيه

رد واستخفاف
عبدالله بن وعد

ياخوي ارفق على نفسك قبل لاتاصل الدكتور=وانا دكتورها لارفت البيضاء عزاويه
حكومتنا الرشيده نصبتك وصرت وسط الزور=حرام تحطنا بالشمس كنك مابك احميه
بغينا في طرف بشتك نعيم وصار هم وزور=وغربي لو دراء عنها نحرها بالشبيريه

والمعامله بالمثل
مضحي بن جمران

عساء ربي يطول عمر عبدالله قوي الجور=يصد القوم من قو السطر والسيف طايه
يهوز طويق من زود الشجاعه هالولد مسطور=اذا طاع النصيحه لايطارح للكباريه
وانا لاهديت له شوري اقول انه يطيع الشور=وترك النصح ناظر ويش سوا فالعمانيه

تهديد واستعراض قوات الردع
مضحي بن جمران

لاتعير علي اقوم واعير=واقصفك وقت مقيالك بصاروخي
ذا زمانٍ به الحكيم متحير=ماصفاء قبلنا للروس والشوخي
جاسرٍ ثعلبه والذيب متذير=والعرب عنها ناجخ ومنجوخي
مير يفداك خبلٍ دايم مزير=من التكبر كما البالون منفوخي
ينتفخ ثم يفش ويرجع اصغير=لالقيته على النافوخ مكموخي
وانت واللي مثل شرواك يالخير=من فداياكم اللي يمسح الجوخي
من ذهب معدنك ماهو بمتغير=صورةٍ من حيات العود منسوخي

والي لقاء اخر مع ابيات متبادله بيني وبين هذا الشاعر المشاكس ومليون تحيه للجميع
اجوكم/ مضحي بن جمران الحربي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الشلياني

	صح السانك يامضحي مراد اكثر من رائع بينك وبين الشاعر عبدالله بن وعد

صح بدنك والاروع والاجزل تواجدك وهذا المرور النير ولاعليك زود يابو حمد لاهنت ياعزيزي الشلياني سلمت ودمت فالوجود ياغالي

صحــت السنتكــم
دمتم برعاية الله وحفظة

صح لسانك وسلم بنانك