امّا تنال اعجاب كل الجماهير***والاّاعتبرها احداث فيلم(ن)درامي

سر ياقلم واكتب عن الحال تقرير=وسطّر على بيض الصحايف كلامي
الجاش هاض وهيّضتني التفاكير=والعين عيّت تهتني في منامي
يوم ان بنات الفكر جني مسايير=وردن كما يارد على العد ظامي
الشرّد اللي ماتجي في طوابير=الفاتنات النادرات الحشامي
مثل العسل لكن بحد السواطير=واعذب من شعور الغلا والغرامي
لاعانقتني اصخّر القاف تصخير=وتسوقني من تحت جنح الظلامي
لارض(ن)خلا فيها النفل والنواوير=يقتادني هاجوس شعر وهيامي
صالت وجالت في ضميري التعابير=وعلى الجزيله دايمن لي مرامي
لبستّها حل الذهب والاساوير=وسطّرت فيها مايثير اهتمامي
افخربها عند الرجال المسافير=واحقر بها اللي مايقدّر مقامي
لاشك مالي من وراها مخاسير=متجنّب(ن) درب العتب والملامي
اقدح زنادي لاوزنت المعايير=وافرض على كل الرجال احترامي
لو لازمي دونه الذيابه مساعير=باالصبر والحكمه قضيت التزامي
اجمح خطايا الاوّله باالمعاذير=ولاني شفوقن للزعل والخصامي
ومن عادها ماعوّدت له على خير=يجني ثمرها طعنت(ن)باالعظامي
تبان باالشدات روس الصقاقير=وتحت الثرى تندس روس النعامي
ومافات مات ولا تفيد التحاسير=ومايرجع اللي فات عض البهامي
ارجي الفرج في مقبلات المقادير=وادعي عسى الله مايضيع مرامي
قولن صرفته مثل صرف الدنانير=ناره على الوافين برد وسلامي

تبان باالشـدات روس الصقاقيـر
وتحت الثرى تندس روس النعامي
ومافات مات ولا تفيـد التحاسيـر
ومايرجع اللي فات عض البهامـي
ارجي الفرج في مقبلات المقاديـر
وادعي عسى الله مايضيع مرامـي
قولن صرفته مثل صرف الدنانيـر
ناره على الوافين بـرد وسلامـي



صح لسانك وبيض الله وجهك على القصيده الجزله

عادل المخلفي

حضورررر رائع

صح لسانك

قصيده جزله سبك وحبك

صح السانك ياعادل وسلم بنانك

بنت فكر

جزله ووافيه وحكيمه

تقبل مروري

قولن صرفته مثل صرف الدنانيـر
ناره على الوافين بـرد وسلامـي

صح لسانك وعلا شانك
قصيدة جزلة ورائعة

صح لسانك وبيض الله وجهك وتحفتا بالقصيده

صح لسانك وسلم بنانك



قصيدة رائعه بروعة حضورك



لك تقديري

صح السانك وبيض الله وجهك اجدت القول

بقصيده عانقة سما الابداع والتميز شكرا لك علي الابداع والروعه في ثنايا هذا العقد

	المشاركة الأصلية كتبت بواسطة بواردي حرب

	تبان باالشـدات روس الصقاقيـر وتحت الثرى تندس روس النعامي ومافات مات ولا تفيـد التحاسيـر ومايرجع اللي فات عض البهامـي ارجي الفرج في مقبلات المقاديـر وادعي عسى الله مايضيع مرامـي قولن صرفته مثل صرف الدنانيـر ناره على الوافين بـرد وسلامـي صح لسانك وبيض الله وجهك على القصيده الجزله

صح بدنك

ووجهك ابيض


وفالك التوفيق

	المشاركة الأصلية كتبت بواسطة ذيب العاقر

	عادل المخلفي حضورررر رائع صح لسانك قصيده جزله سبك وحبك

صح بدنكـ
^
^
^
ومرورك اروع لاعدمتك