][جديدي : طلع خصمك هو القاضي حقوقك من يقاضيها][

/

طبيعة و الطبيعة لا تطبعنا بها زانت=بلا ذيك العلوم اللي تشيّب راس راعيها
ردي الفعل بين الناس منه الناس قد عانت=يا كيف يجوز أبو طبع ٍ عن أفعال ٍ يسويها
تريّث لا تعجل تو مواريها بكم بانت =يا كم شخص ٍ لقى له من حلاله علة ٍ فيها
صبرت الين صبري باح و حزة ساعتك حانت=و لا تحرق لهيب النار سوى رجلين واطيها
و خلك مع تصانيف الردى و الشك لا شانت=ترى من عاش بالحيله يوقّع في بلاويها
أبد لا تطلب المخلوق لو دنياك بك خانت=و لا يمكن تعزك غير يمنى أنت واليها
إذا لك حق عند اللي ظلوم ٍ نخوته هانت =طلع خصمك هو القاضي حقوقك من يقاضيها
و اذا فارقت خلانك و لحظة بعدهم حانت =تغرب و احفظ الواجب و لا تنسى مباديها
و لا لك عذر دون الوصل للأرحام لو بانت=حبال الوصل لا تنسى حياتك ما مضى فيها
ألا يا خوي يا ابن ابوي ترى الظهران لو زانت=حجاز العز لك فيها حبايب و انت غاليها

.

قصيدة جميلة معبرة


صح لسااااااانك وبيض الله وجهك على هذه الجزالة


((( معبر ))
ألا يا خوي يا ابن ابوي ترى الظهران لو زانت..............حجاز العز لك فيها حبايب و انـت غاليهـا


لك خالص التقدير

	المشاركة الأصلية كتبت بواسطة شموخ الحربي

	ألا يا خوي يا ابن ابوي ترى الظهران لو زانت=حجاز العز لك فيها حبايب و انت غاليها

يكفينا هذا البيت ... مغلف بالحب ومعطر بالشوق

أرسله مع نسمات الليل لأخي ...

؛
؛
؛

رأيت نفسي في هذا البيت ...
صح قلبك ياشموخ لا عدمتكْ ...

صح السانك ياشموخ قصيده جزله

قصيده معبره

صح لسانك ِ

شموووووووووخ

الله واكبر


لله درك على هالدره

صح السانك مليووون ولا يكفووون

ويعطيك العاااافيه اختي


تقبلي مروري

اختك / بنت عوف

صح السانك شموخ


قصيده جزله الله يعطيك العافيه

ردي الفعل بين الناس منه الناس قـد عانـت
يا كيف يجوز أبو طبع ٍ عن أفعـال ٍ يسويهـا

ياسلالالالالالام

ابدااااااااع


ياشموووووخ


اسم على مسمى

تحيااااااااااااااااااااتي

قصيده معبره لك تقديري

صح السانك ياشموخ قصيده اكثر من رائعه وفقك الله