(( حكم ظميرك وأدرك اللي فهمته...)) أبيات ارجوا ان تنال إعجابكم .....

السلام عليكم ورحمة الله وبركاته
عزيزي المتصفح الكريم :
يطيب لي ويسعدني أن أضع أمام ناظريك هذه الأبيات المتواضعة وكلي أمل أن تحضى بالقبول
والإستحسان وأن ترقى إلى مستوى ذوقك الرفيع ..
أقــــــــــــــــــــــول :

ياللي بدافع غيض نفسك توسمـت=هيد وتريح وأبهم اللـي رسمتـه
ترى الكلام أبلغ مزاياه بالصمـت=لوكان من خاطبك ما شفت صمتـه
يصبح كلامك هذر مردوده الشمت=ما أظن خصمك بالمكابر خصمتـه
مهما يكون بكل الأوضاع لاشمـت=تلقى نتيجة من بصمتـك حشمتـه
الفرض ماتقضيه سنه ولو قمـت=فرضك وواجبك المسمـى قسمتـه
مهما يكون بمنطقك لـو تحكمـت=النقص مثل الزود مدحه وشمتـه
مدح ٍ بلا موجب مـردّه توهّمـت=يحسب خطأ وأكبر دليـل إتهمتـه
انشهد إنك فـي كلامـك توثّمـت=وحظك بما عدّيت يمكـن هدمتـه
مهما يكون الحاصل إنـك تندّمـت=شي ٍ جديد وشي ماضي جشمتـه
وليا ومرك الله وقمـت وتكلّمـت=حكم ظميرك وأدرك اللـي فهمتـه
بالمنطقي والواقعـي لاتحيزمـت=كل ٍ فهم قصدك ودربـك رسمتـه
وإن كان جانبت الحقايق تحلّمـت=ولا أحد ٍ مؤيد حلمك اللي حلمتـه
مهما تقول : إنك قريـت وتعلّمـت=جايز بناك إليـا تواسـا دهمتـه
هذا هو الواقع وأنا اشوف واقسمت=لو لك ظمير ٍ حي كـان إحترمتـه
وإن كان من مبداك بالله تحطّمـت=إرتاح مكفـي والوتـد مادحمتـه
القيض له كنه ويلحقك به حمـت=وإلا الشتاء متخفي(ن) ما جهمتـه
ناظر بعينـك وانتبـه لا تقدّمـت=ماكـل دو ٍ لـو تهقويـت همتـه
الظاهر إنك في عمى الراي يمّمت=وأخذت من شور العور ما غنمتـه
خل اللجوف بواسع اليـم لاعمـت=قدام ألولس فوق غاربـك عمتـه
كان أنت بأسباب المقاريد خيّمـت=فوق الهيار بدون داعـي واقمتـه
عزالله إنك في مذاريه مـا نمـت=وإن عدتها راسك ترانـي وشمتـه
وجريت وسم ٍ تعرفه لو تغيشمـت=[عرقاه] والشاهد بوجهك وسمتـه
وعقب الخطام شظاظ كانك تولمت=إن كان تقرى العلم شفني ختمتـه

وسلامتكم

	المشاركة الأصلية كتبت بواسطة أبن القبيله

	القيض له كنه ويلحقك به حمـت=وإلا الشتاء متخفي(ن) ما جهمتـه وسلامتكم

وعليكنم السلام ورحمة الله وبركاته
صح لسانك اخوي الشاعر صالح البشري ( ابن القبيلة )
وماقصرت يالغالي على القصيده
بيض الله وجهك
وعندي سؤال اخي ابن القبيله
(( ن )) وش تعني يالذيب
تحياتي
الصـ الجارح ـقر

وعليكم السلام ورحمة الله وبركاته

الاخ الشاعر ابن القبيلة

صح السانك و بيض الله وجهك

و بارك الله فيك

تحياتي وتقديري
عاشق بريده

وعليكم السلام ورحمة الله وبركاته

الشاعر صالح البشري ( ابن القبيلة )

صح السانك

وبيض الله وجهك يالغالي

اخوك
سلطان

وعليكم السلام ورحمة الله وبركاته

الشاعر صالح البشري ( ابن القبيلة )

صح السانك

وبيض الله وجهك يالغالي


أخوك
ناصر العوفي

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي