جزاك من جنس العمل

كل الشوارع ساعة وداعك حزينة=حتى الاماكن تبكي على فرقاك
الليل بدونك مابه ضي قمر يزينه=والنهار مابه شمس فغياب محياك
حالي مثل الكفيف اللي فقد نونه=والعين ماتبصر لا غاب عنهابهاك
قلبي كنه جبل في قمة حزونه=والسيل دمعي سال من قسوة جفاك
مات الفرح فقلبي واختفى لونه=وشلون تريدني أفرح وهذة سواياك
ماهقيت بعد الحب قلبي تنسونه=وش ذنبه غير انه يحبك ويهواك
ماهقيت قلبي في الصد تجزونه=وماكان العشم الهجر منك عطاك
وش اللي من الهجران تجنونه=جزاك من جنس العمل وهذا جزاك

صح لسانك وعلى شانك .

" الـــرائـــع "

عبدالإله محمد القايدي

صح لسااااانك واعتلااااا شااااانك

قصيدة رائع بقلم متميز

بيض الله وجهك

وربي يوفقك ،،،

أخوك/
بندر الزارع الزغيبي

اخواني الاعزاء
الحميدي المخلفي
بندر الزغيبي
يعطيكم العافية شاكر لكم مروركم واطراءكم الغالي والعذب لاعدمناكم
تحياتي وتقديري