صدق من قال إن الهم كافر

صدق من قال إن الهم كافر

يـا مرحبـا بكـل هــم وكـآبـه= يا مرحبا بجـروح غـدر"ن" دفينـه
يـا مرحبـا بكـل سهـم وعذابـه= يـا مرحبـا بكـل ليلـه حزيـنـه
خلاص مانا صـار مـر"ن" شرابـه= وحزن الليالـي صـار دره ثمينـه
من شانها نتعـب وننخـى القرابـه= نخيت شعري والقلـم لـه رهينـه
خابـره راعـي حميـا ومهـابـه= ينصـر خويـه فاللـوازم ويعينـه
أبيه يكتـب كـل هـم"ن" بـدا بـه= وكل هم"ن" في الضلوع زاد دنينـه
أبيه يذكر دمعه من عرض سحابـه= وش هو سببها تالـي ليلـه تهينـه
مدري سببها صاحب"ن" قد رضابـه= وصـار فـي كـل اللـوازم يمينـه
من بعدها خانـه خويـه ووشابـه= زود جروحه وصار صاحب غبينـه
ولا سببها الطيب والطيب غـدا بـه= ضاعت حياته وضاع مافـي يدينـه
ضاعت حياتـه كـل أبوهـا نهابـه= من شان يرضي الناس والناس لعينه
يفـزع لخلـق الله ويقـدم رقابـه= مايدري إن النـاس قشـرا وشينـه
كـل لحضـه يقـول ذولا كسـابـه= يفزع لهـم والغـدر يلقـاه بحينـه
ولا سببهـا مـع سبايـب مصابـه= مع زود حبه ونار شوقـه وحنينـه
هموم منهـا العقـل يفقـد صوابـه= ويشيب منها من هو بـأول سنينـه
مير الوكاد إن الهـم داخـل زهابـه= يبقى خويه في كـل درب ومدينـه
أو الوكـاد الهـم أصبـح ثيـابـه= كره الحياه وصارت عيشـه مهينـه

الذيب .........

صح لسانك يافهد اليوبي لاهنت والله يبعد عنك الهم ويبدله بالسعاده الدائمه والسرور وتقبل تحياتي يالغالي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	حياااااااااااك الله والهم سلال للحال يعطييييييييك العافيه اخوك/عيسى العوفي

صح لساااانك

ياذيب الوفيات


من طول الغيبات جااااب الغنايم

لك خااالص التقدير

صح لسانك يافهد على القصيده

والله بيض وجهك

تقبل مروري ولك كل التقدير

صح لساااااانك وعلا شانك .

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

قصيده وافيه ومن راس وافي


لاهنت ولاهان هذا الحضور


تقبل تحيتي

أبدعت يالشاعر

صح لسانك ... بوووح راقي

دمت ودام نبض قلمك