ياعمر من عذر المطاعم تحييك

السلام عليكم ورحمة الله وبركاته
موضوع هذه الابيات عن محاربة بعض الاطفال لطعام المنزل وعدم قبوله مهما كانت درجة لذاذته و جودته وتفضيل اكل المطاعم والبوفيات عليه وهذه مشكلة تواجه بعض الاسر ولديه ابن لايمكن ياكل إلا وجبة المطعم وذات يوم كنا في طلعة بر واشترط الغداء من البخاري فاعطيته قيمة الغداء ونزل الي المطعم واخذ المطلوب ورجع وهو يبتسم مرتاح سالته وش السالفه قال صاحب المطعم رحب بي اول مادخلت وزهمني باسمي قلته طبعا ياخوي انت عميل دايم لازم يرحب بك على طول وبهذه المناسبه قلت هذه الهجينيه في عميل المطاعم المحترم لعل وعساء ان يقلع عن ماتعود عليه

ياعمر من عذر المطاعم تحييك=حيثك عميل(ن) عارفينك ودايم
لكن طبخ امك عدو(ن) معاديك= دايم مبوز عن لذيذه وصايم
الزول نتفه يازعيم المهاليك=كنك من اللي في هواء البيض هايم
يم البخاري لو رفضنا نوديك=تموت جايع يانحيل القوايم
لاشك لازم يالضعيف نداريك=ولا يلومنا في حب شرواك لايم
ماهو غلا إلا نقبل مواطيك=ولاهو موقت حب ثابت ودايم
اطلب ومطلوبك نجيبه ونرضيك=مدام فينا باقيات العزايم
وفي عطلة الاسبوع حتما نمشيك=بر وبحر وإلا زيارة رحايم
لعل ماتفقدك عيني وتبكيك=ويرعاك من لانمت ماهو بنايم
وحنا برجوا الله وبعده نراجيك=إليا كبرت وصرت رجال قايم
امك ثم امك ثم بامك نوصيك=تسعة شهور بطنها وانت عايم
وخرجت للدنيا وهي هايمه فيك=عليك تخشا من هبوب النسايم
لاصحت ضجت من صياحك تواسيك=ولاهي تنام إلا انت قافي ونايم
مامثلها مخلوق فالكون يغليك=ياذخرها رد الجزال القدايم
وعن خوة اللي خوتك ماتهقويك=اللي عن الجزله رضا فالهلايم
خذرا وحذرا يالسنافي يماشيك=في خوته مانت بلاقي غنايم
اما رماك وشربكك فالشرابيك=والبسك لو انك بري التهايم
ثم تبتلش وتدور اللي ينجيك=وتصير علكة صايغين الظلايم
وحذرا القطوع بوالدينه يخاويك=اللي يكيل لوالدينه شتايم
الله من مده يمدك ويعطيك=وعزيز عن مد المخاليق شايم
والله لنا يصخر جنابك ويهديك=ياشوفنا ياسمعنا يالقوايم

مضحي

بيض الله وجهك وصح السانك قصيده جزله الله يعطيك العافيه

	المشاركة الأصلية كتبت بواسطة جريح الفرقا

	مضحي بيض الله وجهك وصح السانك قصيده جزله الله يعطيك العافيه

وجهك ابيض بكل موقف ياجريح الفرقا وصح بدنك ومرورك اجزل ولاعليك زود والله يعافيك والشر مايجيك لاهنت ياشوق البنت وتقبل تحياتي يابو فواز واشكرك جزيل الشكر

صح السانك

صح لسانك

بيض الله وجهك

	المشاركة الأصلية كتبت بواسطة خالدفهدالحربي

	صح السانك

صح بدنك لاهنت ياعزيزي خالد الفهد الحربي وسلمت ودمت يالغالي

	المشاركة الأصلية كتبت بواسطة طير حرب

	صح لسانك بيض الله وجهك

صح بدنك وجهك ابيض بكل موقف يالحر الاشقر لاهنت

ثم تبتلـش وتـدور اللـي ينجيـك=وتصير علكـة صايغيـن الظلايـم

	صح لسانك يالبناخي لاعدمناك

الـزول نتفـه يازعيـم المهاليـك=كنك من اللي في هواء البيض هايم

هههههههههههههه توه على الشقا

امك ثم امك ثـم بامـك نوصيـك=تسعة شهور بطنها وانـت عايـم
وخرجت للدنيا وهي هايمـه فيـك=عليك تخشا من هبـوب النسايـم
لاصحت ضجت من صياحك تواسيك=ولاهي تنام إلا انت قافـي ونايـم

جزااااااااك الله خير وصية قيمة من اب واااااااااعي

امك وابوك اللي لياحل طاريك=حنوحنين الخلج بالمهمهيه

نعم

الام حقها عظيم

وعسى الله يرزقنا رضااااااااااهم


اخي مضحي

صح لسانك

ودام هتانك الجميل

واصلح الله عمر وجعله قرة عيني والديه

وكرهه الله باكل المطاعم

هههههههههههههه

صح السانك اخوي مضحي
والله يعطيك العافيه