زواج المسيار بين مؤيد ومعارض؟؟؟ النتيجه 2-1

عيسى العوفي

علامك يابن خيرالله محرم زيجة المسيار=مدام ان المشايخ حللوها ليه تنكرها؟
اعدك شيخي الفاضل وشورك عن ثمان اشوار=يقولون العرب حكمة.كبارالقوم شاورها
قضيه غامضه تبغى محلل فاهم بيطار=وانا جيت النويمي قال خيرالله يفسرها
مدام انه يصح العقد كمل باقي المشوار=انا خوفي من الله والبشرماني معبرها
انا رجال لي رغبة وابي مايدفع الاضرار= ابادبلج لك الخطه بفكري وانت حررها
سياسه والسياسه من صفاة القائد المغوار=لجل في حكمته ياصاحبي يدرى مخاطرها
وانا لاتضنني خايف ولكن للبيوت اسرار=على ماقيل مثلك عرف الدعوى وخابرها

بن خيرالله

هلا بالصاحب اللي حايز الحشمه مع المقدار=هلابه عد ماخط القلم بحروف ناشرها
وانا ياصاحبي ماحرم اللي حللوه كبار=ولي وجهت نظر والكل له وجهه يمررها
وانا اقول السبب هات السبب ونشوف بالمنظار=مادام انك نويت ونيتك منته مصبرها
نبي نعطيك حلا(ن) جايز(ن) مافيه أي اخطار=ونرسل للمشايخ قصتك ونشوف اخرها
واذا جات الفتاوي سير في دربك ولاتحتار=وخل النفس تقنع دام نفسك دوم جابرها
وتال الأمر تفرح او نجي ناخذك يم شهار=ندور لك علاج(ن) من علوم انت معاصرها
وظنك فاهم(ن) قصدي ولكن اطلب المعذار=ومورك كلها ياصاحبي وحدك تقررها

ابراهيـم مـطـر عـايـض الحويمـضـي

هلا بالشاعر الي مشتقي في زيجة المسيـار=وهي زيجة غريبه نـادره محـدن يشجعهـا
انالي راي وانته هات رايك واقضب المضمـار=وانا آقول المشوره طيبـه والنـاس تخبرهـا
اشوف الوضع في عيني حسب ماترصد الاقمار=زمان فـات قالـوه العـرب وانتـه تذكرهـا
ترى المسيارشين لياتكرر له هـدف واسـرار=وعلى كيف المعزب يصرف الدعوه وينكرهـا
ولكن الشريعه حكمها مقبـول مهمـا صـار=وروح انشد مدام النفـس يالعوفـي تراودهـا
نصيحة يابوطـارق انتبـه لاتقـرب الاخطـار=توقع وترك اللي خيرهـا يجلـب مخاطرهـا
اناشاركـت بابياتـي علـى رديـة الاخيـار=ابيها بينـي وبينـك وانـا مابيـك تنشرهـا

ابن خيرالله

الا بالله ياعيسى توقع وانتبه تنهار =مادام انه وصلك النصح نفسك قوم وقهرها
وخل السالفه مادام صارت نشرة الأخبار=وحقق منيتك حتى جميع الناس تبهرها
ومن طب البلد لازم يكون بجيبه الدولار=ويشري من بضايع جاذبه حتى مناظرها
وترى ماودنا نحرمك لكن الزمن مكار=ولكن ودنا رجلك عن الأخطار تقصرها
وانا خابرك تمزح مزحت الشاطر مع الشطار =وناس(ن)ترفض الفكره وناس تحب تنصرها
وصحيح الوضع هذا شاع ويوخذ منه بالمقدار=حلال(ن)حللوه اللي تعلوا في منابرها
وقالوا بعض اسبابه يحل لراعي الأسفار=وقالوا حل شامل للعنوسه لين يدمرها
ولا نبغا علومك دس نبغاها نهار اجهار=ولاتحتار قوم اعلن علومك فز وظهرها

عيسى العوفي

آلاياويل حالي شبت النيران ياستار= صحيح انه يحصلها العبيط اللي يدورها
دفاع الساحل الغربي علي موجه الرادار=عروس البحرجده يمنا تزحف بواخرها
دخيلك يابن خيرالله آخاف توصل الاخبار=وانا بعطيك كل السالفه ياعم واقصرها
انا جيت آتسلل سرليل مطفي الانوار=اغطي سالفتنا وانت بالساحه تشوشرها
آخاف العلم ياصل عندراع الكرسي الدوار=يوقف راتبي وآحكامه الصعبه يصدرها
اخش السجن بقيودي ويمنع عني الزوار=وهاك الساع وين القاك ؟ انا طالبك تسترها
آلا يالله تكافينا شضايا المدفع اللي ثار= مدام ان اول القصه كذا جزنا من آخرها

	صحت السنتكم وبيض الله وجيهكم والله يـعـطـيـكم الـعـافيـــــــــــة

لاهنتم وصح الله السنتكم



تقبلو التقدير والاحترام



وفقكم الله

صحت السنتكم وبيض الله وجيهكم

أطربتونا

الأخ عيسى العوفي

بيض الله وجهك وبيض الله وجه اخي ابراهيم مطر الحويمضي

على مجاراته لردودنا

وياليت وصلنا الى حل واكيد انك ناوي تعلن زواجك ههههههههه

خلاص مايمديك تنسحب

ورطان ورطان

نكبناك هههههه

اخي عيسى العوفي

بيض الله وجيهكم على الأبداع الرائع

والحقيقه اني استمتعت بما دار من مساجلات

والله يعطيكم العافيه

تقبلوا تحياتي

ودمتم بخير

مساءكم سكر :

صحت ألسنتكم جميع .. وافر تحيتي وتقديري

صحة السنتكم وبيض الله وجيهك
عييييييييييييييييييسسسسسسسى عيب الرغاااااااااا عقب الهديررررررررررررررر انا جاي متحيزم وراك كذا

	المشاركة الأصلية كتبت بواسطة ابن خيرالله الردادي

	الأخ عيسى العوفي بيض الله وجهك وبيض الله وجه اخي ابراهيم مطر الحويمضي على مجاراته لردودنا وياليت وصلنا الى حل واكيد انك ناوي تعلن زواجك ههههههههه خلاص مايمديك تنسحب ورطان ورطان نكبناك هههههه اخي عيسى العوفي بيض الله وجيهكم على الأبداع الرائع والحقيقه اني استمتعت بما دار من مساجلات والله يعطيكم العافيه تقبلوا تحياتي ودمتم بخير

بن خيرالله اه اه اه بس
وش اللي مانكبتني وش اللي ماسويته لي
انا لاتزوجت مسيااار ولاسلمت من شرهة الناس الغالين
يعني آكلتها مفلفله ولاسويت شيء
وتقول اعلن
ابن خيرالله ياخوي انت حاقد علي الى هالحين؟

تراك زودتها مرررره
نتفت ريشي تنتيف
لا لا لا لا لا
خلاص من حبكم يازين بطلنا ههههههههههه

ياحبي لك يابوساااامي

الحب الباقي

الاسير

الشلياني

اشكركم على مروركم

وتعليقكم على القصائد

ياهلافيكم

	المشاركة الأصلية كتبت بواسطة جريح الفرقا

	صحة السنتكم وبيض الله وجيهك عييييييييييييييييييسسسسسسسى عيب الرغاااااااااا عقب الهديررررررررررررررر انا جاي متحيزم وراك كذا

لالالالالا لاتحيزم ولاشيء

والله مالقيت زين العااافيه

واحيااان الرغى فيه سلامه

هههههههههههههههههههههههههههه

اشكرك يامرح يامزوح

تسلم