راكب اللي كن سيته عرش حاكم دولة...(إلى لافي حمودالغيداني)

قصيدة وجهتها للشاعر الرائع/ لافي حمود الغيداني
في الأمسية المقامة على هامش تكريم الشاعر الكبير/ لهاب الوسيدي
في حفر الباطن ليلة الجمعة 3/5/1429هـ

راكب اللي لاركبته صرت حاكم دولة=جيب لكزس منوة اللي قاصداً خلانه
لااستوى فوق المقيّــر كن محداً حوله=فرخ شيهانن يلاعب بالفضاءجنحانه
ياخد بسرب المواتر بالتغلي جولة=ولاتجاو زما تميز بالظلام ألوانه
سكري مع لؤلؤي يادوب تلمح زوله=في طوارف ميخره يقدح سناءالمرجانه
مختلط بوصوف وجهه أنثوي بفحوله= قوة فحول الرجال ورقة الهيمانة
كنّه اللي قال لافي لاعترض كبسولة=والقبال قبال عذراء بالحلافتّانة
من بعيد ومن قريّب في جماله هولة=إن تقــرّب قصرحاكم !!وإن تبعّد دانة
والعلامة إل(L) عوجا مثل فك الغولة=سنت أنياب المنية للعشاءخرمانة
فاتها اللكزس وظلّت كنّها مخيولة=فاتحه فمها وباتت ليلهاجوعانة
ماتبيعه كوديمنى بدينهامغلولة=غلهابالدين صفقة باسهمن خسرانة
ورّطو راعيه فيهاعالما"مهبوله=ومكسب المقرود منهاصفرباخرخانة
وفازبه كف الشجاع اللي يشيل حموله=اسهمه في كل شركه للفخركسبانة
راكبه حربي محنّك بالطريق وطوله=ماتلفّت للمخارج يحتري عنوانه
نصّه اللي دلته دايم وهي معْمولة=في وجاره مختلط بغداده برسلانه
كاسبن مع طيب ساسه معرفه ورجوله=شاعرن عن قاصدينه ماطبع بيبانه
الكريم اللي يطابق بالفعايل قوله=لافي الغيداني اللي بارزن مسكانه
نسل عودا"بالمكارم سابقات فعوله=أكتسى من بشت عوده والبسوه خوانه
مايحسّب للخسايرلوتجي مدبولة=والصياني في محله تشتكي خرفانه
ابلغه مني تحايا بالوفاءمدهولة=فوقهنّ العودالأرزق يعتلج دخّانه
ياعساهاحجتن في سعيهامقبوله=واحمدالله يوم ردّه سالما"لاوطانه
اختصرله بالسوالف لاتجي مملوله=وبخّصه في علمي اللي مبتعثك بشأنه
قول مصلح كل شي بناظره سملولة=زاهد بدنياه خاشع منخزي شيطانه
لين شاف اللي طوارف عينهامكحولة=كحل فطري والمنايا تحت خدرأجفانه
وقام شيطان القوافي له يدق طبوله=وكنّها تازن خطاها نفس رتم اوزانه
القصيداللي ورثته حالفن ماأقوله=بس من شفته كتبت وقلت صح لسانه
الخواتم غارزات بكفّهاالمشغولة=نقش حناماتحبكة طلسمه وكهانة
أقبلت تمشي خفيفة وأدبرت مثقوله=ماأقدراسهب في وصوفه نعنبوحيانه
من سلايل حرب ماهي بالنسب مجهولة=تفتخربالشايب اللي يفخربجدانه
ماهي من اللي جماله هرجتن معسولة=عينهامن كل شي آدوّره!! مليانة
الجمال الانثوي واسطورته وآصوله=تصطفقك مهرةعسيف !!وتلفت شيهانة
كنهاتقول المطوع ديرته منزوله=كان مايشدّد نزوله هقوته خسرانه
والمطوع شيخ يقرأوالعباديجوله=من بعيدومن قريّب ينفث بقرآنه
كيف يسرج للمغازل والقصيدخيوله=وش تقول الناس وألا لادروا عدوانه
كان كفه عن مكاتيب الهوى مغْسولة=وأصبح بلحظه يقود المركب وربّانه
عشرةوعشرين فاتن محكمات قفوله=لين جاته بندق اللي ضابطن نيشانه
بعدما صفة هدبها طيرن زرفوله=والله إنه غير يرقي رقيتةً دمرانه
وسيرةالعشاق صارت سيرتن مزهولة=نص ربعي لاسمعها تنعقد حجانه
والمطوع فكرته في شأنهامذهولة=ميرهوطمعان فيهاوعشقته طمعانه
فكرته ماحركت للقافيه بندوله=ومن سببهافكرته للقافية شرهانة
العقارب كلهافي شأنهامشغولة=الدقايق والثواني كلهاطربانة
وخايف الحبلاني إنه لادخل زهموله=حاسبه ربه ويبعث رافعاً ديوانه
يانديبي شوف لافي والتزم بحلوله=استمع للي يقوله واكتبه في وانه
وردجيبك مع طريقك طلعته ونزوله=لين ياقف عندبابي يوتهج شكمانه
سيفي اللي كنت خابرحدّته مصقولة=الذراع اللي تشيله كفها فترانة
وفوق هذا قام يكثربالحدودفلوله=يانديبي لاتونّى حالتي شقيانة
فوق جيباً كن سيته عرش حاكم دولة=نوع لكزس منوة اللي قاصداً خلانه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الأخ الكريم
الحب الباقي

شكرا لجما ل مرورك وتعليقك

وصح الله بدنك يا غالي

تقبل ارق التحايا والطفها

صح لسانك وعلا شانك ..

كلمات رووووووووعة ..

دمت ودام إبداعك

ماشاءالله

الأخ الشاعر مصلح المحمدي

لله درك

وبيض الله وجهك وصح لسانك

ابداااع موجه من شاعر كفو الى شاعر كفو

بيض الله وجيهكم جميع

ملاحظه




زاهد بدنياه خاشع مخنـزي شيطانـه
سيفي اللي كنت خابرحدّتـه مصقلـوة

شكل الأوله ناقصه نقطه
والثانيه قدمت الواو عن اللام

وعذرني على التدقيق على هذه الدره

ودمت ودام ابداعك

الله الله

صح لسانك على هالقصيدة الجزلة

دائماً مبدع

بيض الله وجهك يالحبلاني

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك قصيده جزله من شاعر جزل

سكري مع لؤلؤي يادوب تلمح زولـه
في طوارف ميخره يقدح سناءالمرجانه

مصلح المحمدي صح لساااااااااااااانك

يالحبلاني ملياااااااااااااااار

قصيدة محبوكه ونظم فريد

تسلم اخوووووووووووووووي

الله الله


الشاعر الاستاذ مصلح المحمدي


ياسلام عليك قصيده قمه وانت شاعر قمه واهلا للقمه


وصف رائع وبليغ وصور تتحدث


الف صح السانك