شاعر المعنى ( فلاح بن صياف)

يأتي الشاعر الشاب ( فلاح ) ابن شاعر الخليج (صياف الحربي)
ليمثل والده في شعره وطباعه وهيئته !! ....يشهد بذلك كبار السن اللذين عاصروا الرمز (صياف الحربي)
كما يشهد بذلك كبار شعراء القلطه اللذين التقوا بالابن ووالده !
ومايعزز الرابط الشعري بين فلاح ووالده هو انه شاعر معنى (رغم قلة محاوراته وحداثة تجربنه وصغر سنه)
وهذا ما اكده اكثر من شاعر من ذوي التجربه !!
وفي هذا السياق كم نحتاج الى المعنى في زمن اللحن وفي اعتقادي الخاص ان شاعرنا
قد اتى في زمنه واذا ماساعده الحظ و هيئت له الضروف
فانه سيقلب الطاوله على اصحاب ( الالحان الغنائيه)
ضمن توجه عام من اصحاب الذوق الرفيع والمهتمين بفن المحاوره الاصيل من كبار الشعراء
ليبقى هذا الفن مبني على الفتل والنقض واستنباط المعنى وحمل رساله ساميه!!
بعد ان و صلت به الامواج الى فن طربي يعتمد على الالحان والمواويل ويكمل المناسبات
بحضور ايقاعي وصوتي بحت !
حقيقة لفت انتباهي برنامج شاعر المعنى وجائزة المعنى ولفتت انتباهي اكثر مشاركة
فلاح بن صياف ومدى الترحيب بها !!
وان كان ذلك تمازجا بين التعطاف مع ابن الرمز والاعجاب في شاعريته فاننا نثمن
للرجال الاوفياء هذه المواقف التي لا تستغرب عليهم ويأتي في مقدمتهم
الشاعر الكبير : حبيب العازمي
صاحب المعدن الطيب اللذي يجعل من تعامله الرجولي وقيمه واخلاقه
منهجا له في كل الميادين بمافيها ميدان المحاوره وفرسانها !
////
لا أحب ان اطيل .. ولكن ما اود ايصاله هو ان
الشاعر : فلاح بن صياف الحربي
هو شاعر المعنى القادم اذا ماوجد الانصاف من الشعراء والاعلاميين وأبناء قبيلته!!
/
//
//

ختاما اليكم بعض المحاورات التي لعبها فلاح الحربي ولنبداها بمحاورته مع الشاعر
الكبير( حبيب العازمي) بتاريخ7\6\1428هـ (المدينه المنورة) :
بداها ...فلاح بن صياف الحربي بقوله:
بالنيابه عن قبايل حرب والحفله واهلهـا = مرحبا واحلا الليالي ليلتأ طالـع قمرهـا
من يمد الطيبه يالعازمـي يبغـى بدلهـا = الكريم يعدهـا وان جـت لـوازم ذكرهـا
حــبــيـــب الــعــازمـــي
البقا لك والحمولـه مانقلهـا إلا جملهـا = والسنه هذي سنتها والشهر هذا شهرهـا
المطيه واقفه والياابركـت كيـف اتعقلهـا = لاتروح بالشداد اللي من اول في ظهرهـا
فــلاح بــن صـيـاف السحيـمـي
ان دعيتهوه حضر وان مالت الكفه عدلها = والعيون الصاحيه لا بـد يقديهـا نظرهـا
ابشر ان الذهابه في امراحها والله عقلهـا = ماتغير طبعهـا لنكـان ماجاكـم خبرهـا
حــبــيـــب الــعــازمـــي
ياولد صياف جيت وكلمتـأ تعجبـك قلهـا = ماتسير اخطاك في ممشاك كود الله ومرها
ياعسى ذيب المدينه يحتمي غابـة جبلهـا = الذيابه فاول الايـام جـى ذيبـأ ذعرهـا
فــلاح بــن صـيـاف السحيـمـي
من لقى درب الغضى يالعازمي يتبع سهلها = مايضيعها الغشيم ويتبـع الجـره باثرهـا
الخزينه مربعه في حدودها محدأ وصلهـا = قبل يدخلها الغشيم اللي من العليا حدرهـا
حــبــيـــب الــعــازمـــي
وهنيا اللي نصيبه بـرد اللقمـه واكلهـا = فالليال اللي قبل يتعـب معديتـه خطرهـا
الخزينه مافتحهـا غيـر رجـالا قفلهـا = حرب والعتبان دايم ماتغيـر مـن ديرهـا
فــلاح بــن صـيـاف السحيـمـي
والله انا فوسط غابه زادنا صافي عسلهـا = الثمر فاغصانها والضل في قاعة شجرها
عارفيـن اصولهـا لمفلهـا ولا فتلـهـا = مايضيعنا الغشيم اللي عصاته في نحرهـا
محاوره اخرى مع الشاعر الشاب : معتق العياضي
فلاح:
ياسلامي على اللي يحتمون اللزوم =في نهار تطب الخيل ميدانها
قوم يالشيخ معتق ثم هات العلوم =دام انا جيت من شانك ومن شانها
معتق
البقاء يالرجال اهل الوفاء والسلوم = مايقود المعارك غير فرسانها
يافلاح الليالي للعرب ماتدوم =مير لاتخطي البندق ونيشانها
فلاح
مايضيع الحلال اللي عليه الوسوم =دامت ان الرعيه عند رعيانها
كان ضيعت قسمك في نهار القسوم =وانت مابين شعلتها ودخانها
معتق
المهم انتبه لاتفرب من السهوم = وانتبه للرعيه وسط مرحانها
رحمة الله على صياف قرم القروم =ماعلينا من الحره وسحمانها
فلاح
لاوصلت لسبيع ولاوصلت البقوم = لجل تبني بيوتك فوق عمدانها
كان يالشيخ معتق ضيعتك الحلوم =هاد نفسك يالين يموت شيطانها
معتق
انت تمشي بكيفك ماتشوف النجوم =لين حطتك بقعاء بين نيبانها
يافلاح استرح في منزلك ومخدوم =والله اني لوردها لحيضانها
فلاح
لنت مركز دفاع ولنت مركز هجوم = قدمتك الحروب ولانقضى شانها
لو تلبست بالمشلح وزين الهدوم=كل دعوى نبرهنها ببرهانها
معتق
قدمتني قبيلة حرب ربعي عموم=يالله استر من الحره وبركانها
زاهيتنا المشالح زاهيتنا الختوم =ولابنينا البيوت الا بسيسانها
فلاح
احد مايطامن العربان واحد محروم =ماتطير الطيور الا بجنحانها
كان وصلت ببن عمي لفرك الخشوم=قبل لافرها بخبرك بازمانها
معتق
خيلت من بحرها واقتفتها الغيوم =مير ماسالت الديره ووديانها
خاتمه:
اتتني رسالة جوال تحمل الابيات التاليه:

الدمعه اللي هلـت بفـوز ٍ كسبتـه يابـدر=فلاح ابن صياف ابن عواد فـاز وعادهـا
تخالطت بين الفرح والحزن لكـن الصبـر=للي تنومس حرب حرب اهل العزاوي قادها
تأهل الحربي من اولها ترى هـذا الفخـر=حنا لها حنـا لهـا ماحـد علينـا زادهـا
ياحرب يارمز الوفاء والطيب ياحزام الظهر=ترى التحدي بالمواقف مثل قـدح زنادهـا
ان كانها بالشعر كم فينا بحر جنبـه بحـر=مثل بحرنا اللي به السفن اغرقت وابادهـا
وان كانها بالدعم والتشجيع يارجال الظفـر=كم نخوة ٍ فازت على نخوه وحرب اسنادها
فلاح والا محمد ابن عبيـد يجعلهـم ذخـر=للابه اللي سجـل التاريـخ كـل امجادهـا

(للشاعر:غالب الظاهري)
اخوكم : المرواني

بيض الله وجهك يا امرواني!


انت رجل مواقف وحميه ودائم اسمع عنك من احد الاخوان وجهودك للقبيله



وهذا الجهد والكتابه عن فلاح بن صياف لا تستغرب منك


والله يوفقه ونشوفه متالق دائما ونحن لن نذخر عنه جهدا

نتمناله التوفيق والنجاح والفوز وأسعدنا تأهله
ورحم الله شاعر الخليج : صياف الحربي
وعسا فلاح خير خلف لخير سلف

لي عوده لكمال القراءه

ولك الف شكر على هذا الجهد

بيض الله وجهك يالمرواني

والله يوفق فلاح ويرحم أبوه

	المشاركة الأصلية كتبت بواسطة قراح الحربي

	بيض الله وجهك يا امرواني! انت رجل مواقف وحميه ودائم اسمع عنك من احد الاخوان وجهودك للقبيله وهذا الجهد والكتابه عن فلاح بن صياف لا تستغرب منك والله يوفقه ونشوفه متالق دائما ونحن لن نذخر عنه جهدا

ابن العم الغالي
الاشاده في البارزين من ابناء العمومه هي اقل الواجب تجاههم
اذا ماكان لدينا الايمان الكامل باننا نحمل رساله اعلاميه صادقه عبر
منتديات القبيله !!! خاصة في هذا الزمن اللذي تسيد فيه الاعلام واصبح سلاحا يوظف مع اوضد ..ففي السابق ظهر صياف الحربي
بدون منتديات ودون اعلام حتى اصبح رمزا في مجاله .. واليوم
كانت التحولات واصبح الشاعر بحاجه للماده الاعلاميه التي تعكس ابداعه وتوصل صوته ومن هنا اطالب كل منصف سواء من القبيله او غيرها بان يكتب عن ابداع هذا الرجل وعن هذا الارث الادبي التايخي الخليجي اللذي ورثه عن والده رحمه الله!! ولاعلامي القبيله دور مهم وبارز !!
ولان الشئ بالشئ يذكر فانني ومن هذا المقام اشكر الاستاذ : الحميدي الحربي على مبادرته وسؤاله ومباركته للشاعر فلاح بن صياف
واتمنى ان يستمر داعما له من خلال صفحته التي يشرف عليها بصحيفة الجزيره (الراعي الاعلامي لبرنامج شاعر المعنى)!


اشكرك اخي الغالي
واثمن مرورك ومشاعرك الطيبه.

	المشاركة الأصلية كتبت بواسطة ابـ حرب ــو

	نتمناله التوفيق والنجاح والفوز وأسعدنا تأهله ورحم الله شاعر الخليج : صياف الحربي وعسا فلاح خير خلف لخير سلف لي عوده لكمال القراءه ولك الف شكر على هذا الجهد

هو ان شاء الله خير خلف لخير سلف
ولكن لايستغني عن ربعه ووقفتهم ومساندتهم له
كما قلت في ردي السابق

شكرا ياولدنا لحضورك المشرف

	المشاركة الأصلية كتبت بواسطة بواردي حرب

	بيض الله وجهك يالمرواني والله يوفق فلاح ويرحم أبوه

وجهك ابيض وخير ماقلت
وفق الله شاعرنا ورحم والده
واسكنه فسيح جناته


كل الشكر والتقدير

كل الشكر والتقدير لك على هذا الموضوع اللي يعنينا كلنا
وفلاح شاعر وابن شاعر ويبشر بعزه ان شاء الله

اخي المرواني

بيض الله وجهك وسلمت يداك على ما كتبته ونقلته لنا عن

شاعر المعني فلاح والذي سوف يكون بأذن الله تعالى امتداد

لوالده شاعر الخليج الكبير.

شكرا لجهدك وابداعك .... أنته رائع .

تقبل وافر الأحترام.

الاخ / المرواني1

أشكرك من أعماق قلبي على جميع ماتقوم به من جهود جبارة و مشهودة للجميع لأبناء

القبيلة و حرصك على برووووووووووزهم وهذا وأن دل دل على طيب معدنك وحميتك

و نتمنى التوفيق لشاعرينا و ممثلي القبيلة في شاعر المعنى


فلاح السحيمي ..........................و....................... محمد الربيق