-[ شال حمل ٍ لو وزن ما تحتمله جبال حايل ]-

العقيم اللي حياته كلها ضيم و مناوي = فات عمره بين أماني خاطره و العمر زايل
زاد حزنه و المصيبه مالقى له من يدواي = ينقفل بابه و عزه في طريق الحظ مايل
العقم عقم الحبيب اللي جفا ماعاد ياوي = استظله من هجير الصيف و الفرقا قوايل
مر بي عام و محبتنا كما السيل النحاوي = اندفق فينا سعدها و الفرح يا ناس هايل
الحبيب اللي يغيب و يفقده قلب ٍ شفاوي = ويش يرجي لا غدا صرح المحبه فيه آيل
كنت أظنه عشق عمري بيننا حب متساوي = ما دريت انه يمثل لي غرامه و ايتحايل
طال صمته والسكوت المر لا طوّول بلاوي = يكشف المستور .. و اذبح مابقى فيها تمايل
يا خسارة عام فيه القلب من همه شقاوي = سبة اللي في خفوقي جرب أنواع العمايل
كنت أحبه موت لكن قلبه امن الحب خاوي = كان حلم ٍ ماله ألا دمع عين ٍ صار سايل
الحشا ما كنّه ألا عزة الحر النداوي = عزته ترقا ويرقى بالوفا ما كان طايل
الزمن يومين يوم ٍ لك ويوم ٍ فيك لاوي = رغم ضحكاته وخيره .. بالعنا ماله مثايل
العقيم اللي حياته كلها ضيم و مناوي = شال حمل ٍ لو وزن ماتحتمله جبال حايل

.. - عصيـة الـوجـد - ..
شموخ الحربي

.

صح لسانك ياشامخه ياشموخ
انتي شاعره مبدعه قصائدك ممتعه وعذبه جدا0
اشكرك على هذه المشاركات القيمه 0
بانتظار جديدك000

صح لسانك ياشامخه ياشموخ
انتي شاعره مبدعه قصائدك ممتعه وعذبه جدا0
اشكرك على هذه المشاركات القيمه 0
بانتظار جديدك000

اختي
شموخ الحربي
قدلا اكون اول من عانق هذه الدرر والجواهر
الثمينة اسجل اعجابي بها
الزمن يومين يوم ٍ لك ويـوم ٍ فيـك لاوي= رغم ضحكاته وخيره .. بالعنا ماله مثايـل
ابداع × ابداع
دمت بود وعافية وابداع .

طال صمته والسكوت المر لا طوّول بلاوي
يكشف المستور .. و اذبح مابقى فيها تمايل



صح السانك وبيض الله وجهك قصائدك تطربني الله يعطيك العافيه

الشامخه المتألقه المبدعه/أختي شموخ الحربي

ياشموخ القاف شامخ والأماني للرجاوي=لكن اشهد لك شهادة حق سطرتي مثايل
أشهد إن الشعر يجرح قلب واحياناً يداوي=يسلم لسانٍ سبك من نادر الشعر الجزايل

دومي بعز وتقبلي إجلالي

شموخ الحربي

قصيدة شامخة

شاعرة مبدعة بكل ماتكتبين

صح لسانك ولاهنتي

أسجل اعجابي بهذه الأبيات النادرة

تحياتي لك

قمة في سمو الحرف

وجزالة المعنى الرصين

لك خالص التقدير

صح لسانك وسلم بنانك



قصيدة رائعه بروعة حضورك



لكِ تقديري

يا شموخ العز شرحك واعنا قلب الهواوي = وانت اسمك راس قمه لايغدي رمل إتهايل
قصيدة رائعة وكلمات فاقت الأبداع
اسجل اعجابي وحضوري
اخوك
مانع الجابري