الحاضرين يبلغون الغيابي / بعد مقتل الدرة بيومين

البارحه عيني قزا نونها النوم = وعيّا يجيها النوم من حر مابي
من سبّة اللي داخل القلب مرسوم = حبه وحب الشامخين العذابي
ويامجانب المعنى تريح ومخدوم = واحذر تتعب سابقات الركابي
الله لايجزاك بالخير يالبوم = اللي فعايلك الخنا والخرابي
المسجد الاقصى ينادي ومحروم = وين الرجال ووين عزم الشبابي
اللي لهم عزم وعزيمة على الدوم = عزماً تعدا ناطحات السحابي
الله ياكم واحد بات مظلوم = في القدس مابين العرا والترابي
وكم شايب بايت على الغبن مكلوم = يشكي فراقٍ بين الاضلاع ثابي
وياكم من عذراء سقت كاس مسموم = كاس المرار وكاس بالاغتصابي
وياكم طفلاً يسكب الدمع مهموم = مهموم مايقدر يرد الجوابي
ومحمد الدرة نهار امس ياقوم = شفته صريع من اليهود الكلابي
ضميرهم ضامر وسلبي ومعدوم = واقسمت مافيهم ضمير ايجابي
إلاّ ضمير الشر والعنف والشؤم = مخالفين لشرعة اهل الكتابي
صهيون فيهم جبن خواف ورخوم = اليا احتمى الميقاف مثل الهلابي
وترى جميع العرب يغشاهم اللوم = ان كان ماهبوا لصد العذابي
وياربعنا ماهي سواليف وحلوم = الحاضرين يبلغون الغيابي
نظمتها في العقد عشرين منظوم = وادرجتها حسب العدد في حسابي
هذا وانا ماني من الذنب معصوم = وارجو من المولى العفو والثوابي
وصلاة ربي عد ماتزهر نجوم = واعداد ماتنبت حقول وجنابي
على رسول جا وبه ختم مختوم = ختم النبوه بين الاكتاف نابي

أبدعت يالشاعر

صح لسانك ... بوووح راقي

دمت ودام نبض قلمك

بيض الله وجهك والبسك ثوب العافيه صح السانك علي نظم هالدره ابدعت اسجل اعجابي بقصائدك

صح لسانك وسلم بنانك



قصيدة رائعه بروعة حضورك



لك تقديري

صح لسانك وبيض الله وجهك

ابدعت



صح الله لسانك



جميل انت دائماً



تحياتي

صلى الله عليه وسلم

سالم وغانم وصح بدنك والله يعطيك العافيه
وننتظر جديدك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك