أكثر علوم خلق الله سوالف وأشاعه

مرحبا ياضيوف ومرحبا يا جماعه =عد وبل السحاب اللي ترزم رعوده
كل رجلً يهوش ونجدته من ذراعه =مايشب الفتيل الا شـرارة زنـوده
بارك الله لكم يا حافظين الوداعـه =مثل برق الحيا اللي حكمة الله تقوده
مايجيب المشاكل غير كثر الشجاعه =كل رجال ينفخ جمرته راس عـوده
أنت ياشاعر السحمان صايبك راعه =ومرضتك الحراره وصرعتك البروده
والمشاكل وراكم مع قبيلة خزاعـه =والخزاعي خزاعي لو طلع من حدوده
كان جاك الزعل نرضيك في ربع ساعه= المحالـه تصيـح والحبـال معقـوده
بعد بكره تسمع وش تقـول الاذاعـه= وقتنا ماركـد والنـاس تبغـا ركـوده
لاتطوع قبل تحفظ شروط المطاعـه= ون وصلت اليمن لا تختلط مع زيوده
ولد ابو زيد أخوكم من توال الرضاعه = له ثمانين ليلـه مايدرهـم قعـوده
أكثر علوم خلق الله سوالف وأشاعه= يوم عشره نصيبك ونتبه لا تعـوده
الرضاعه مضت ماعاد فيها شفاعه =الولد كلم القاضي وحضر شهـوده
الحرامي بعد ماشال نص البضاعه =مايقر الحرامي لين تصفق خدوده
والله انك سنافي لو تكب اللكاعـه= مار عود لضلع هذيل حذف قروده
لو تزيد الرجوله ماتروح الطباعه= ياعتيبي ترى صبري تعدى حدوده
من خلقنا وحنا ما نحب الدلاعـه =أترك الادمي يفزع ويعطي جهوده
خل صدرك وسيع وخل عندك قناعه =أنت ودك بطنب البيت ولا عمـوده
مايضر المزارع غير موت الزراعه =تنقص الزرع ياصياف ولا تـزوده
أنت يالعازمي عندك مخازن صناعه= والبلد مسلمينه دوب تمسك يهـوده
ودي أسبع اللي مالقالـه سباعـه =مار خايف على هداج تكثـر وروده
خابرك تصنع الهوري وتصنع شراعه= مير عسكرك راحو بوش ياسعيد جوده
لاتسوق البعير وتلتوي فـي كراعـه =البعير الهبود تحصـل امـه هبـوده
راعي الهوري اللي يقطع البحر باعه = كان تبغا تعود للخطر قـول عـوده

أكثر علوم خلق الله سوالف وأشاعـه=يوم عشره نصيبـك ونتبـه لا تعـوده
الرضاعه مضت ماعاد فيهـا شفاعـه=الولد كلم القاضـي وحضـر شهـوده

صح لسان شاعر الخليج/ صياف الحربي و رحمه الله

و صح لسان الشبح / حبيب العااااااااااازمي

و مشكور على النقل الراائع

صياف:
لو تزيد الرجولـه ماتـروح الطباعـه=ياعتيبي ترى صبـري تعـدى حـدوده
من خلقنا وحنـا مـا نحـب الدلاعـه=أترك الادمي يفـزع ويعطـي جهـوده


الله يرحمك ياصياف ويسكنك فسيح جناته

	صياف: أنت يالعازمي عندك مخازن صناعـهوالبلد مسلمينه دوب تمسـك يهـوده ودي أسبـع اللـي مالقالـه سباعـهمار خايف على هـداج تكثـر وروده صح لسان شاعر الخليج/ صياف الحربي و رحمه الله و صح لسان الشبح / حبيب العااااااااااازمي و مشكور على النقل الراائع وتقبل مرورى اخوك عبد الرحمن خضير