(000000غيبوبة احلام000000)

البارحه ضاق الفضا والصدر ضاق=عيني جفاها النوم مما طرالي
سرابي الهاجوس واحرقني احراق=وخلاني اسهر طول ليلي لحالي
ضاقت علي بدنيتي كل الافاق=واستوحشت دنياي والكون خالي
كن الحشا وسطه حميمن وغساق=والقلب كنه ينصلا فوق صالي
توافدت من شرد افكار مشتاق=هاك البنات المترفات العوالي
بنات فكرن ترجمن كل مالاق=الشرد اللي باالزمن راس مالي
متشرداتن فايقاتن باالاذواق=متشتتاتن مايجن بتتالي
ضيفتهن قلطهن فوق الاوراق=وشبعن سطور وعبرن مافبالي
اظما شعر واشفق على البيت واشتاق=وافرح الامن جا لشعري مجالي
اسج به عن كل دنياي وانساق=واعيش به حلي وانا بارتحالي
واسهر الين الشمس تبدا باالاشراق=ماغير اهوجس في زمان(ن) مضالي
شاعر ولي قلب(ن) حنون(ن) وعشاق=والشعر يعجز عنه بعض الرجالي
بغيبوبة احلامي سرا العقل مافاق=عايش بحلمه وسط روضة خيالي
اكتب بيوت الشعر باشواق واشواق=واغوص في سابع بحوره والالي
شعري حلا واحلا حلا فيه ينذاق=كله غلا من غالي يم غالي
مليت من دنيا بها طيب ونفاق=شربت مر ولاتذوقت حالي
ومن خوت اللي باالخوي صار بواق=ومن ضحكت اللي باالرديه نوالي
موزع الضحكات قطاع الارزاق=لاقفيت عنه بخنجره استوالي
تعبت اقوي العزم واجبر الساق=ولامن مشيت بدرب عود ومالي
مما حصل همي سكن وسط الاعماق =ومما جرا تصفق يميني شمالي
ولو الضماير بيعت وسط الاسواق=ماني مثل من باع لاجل الريالي
اصبر على همي لوانه ماينطاق=واشيل حملن ماتشيله جمالي
ادعي عسى من النار يعتقني اعتاق=رب (ن) يدوم وكلنا للزوالي

بيض الله وجهك وصح السانك

حييت ياكاتب من الشعر مالاق=ياللي بيوتك وافياتٍ جزالي
يسلم لسانك وانت مبدع وذوّاق=غالي قصيدك وانت لاشك غالي

دم بعز وتقبل إجلالي

صح السانك ياعادل

عادل المخلفي
اصبر على همـي لوانـه ماينطـاق
واشيـل حملـن ماتشيلـه جمـالـي
قصيده جزله بيض الله وجهك ياذيب

صح لسانك وسلم بنانك



قصيدة رائعه بروعة حضورك



لك تقديري

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح لسانك وبيض الله وجهك على القصيده الجزله لك كل
الحب وتقدير