الله يقطع حاجةٍ من ورا الناس = لاصار معهم حاجتك يذخروني

عقلي تلمس بعض الاشيا تلماس =وغفلت بالماضي وشافت عيوني
كنه معي من بعض الاموات جلاس= وفرحت رحت انشدهم وينشدوني
يالله تغفرلي زلتي والتوسواس = احيت لي موتا قبل يبعثوني
وعوذت بالله كل وساس خناس = واكثرت بستغفار ربي وعوني
لاشك لو تحت الثرى وحدر الارماس= افرح لاجو بالذاكرة وذكروني
ذكرت ملقاهم على كل نوماس = والكايدة لاجات معهم تهوني
اصواتهم لاسولفوا دنت اجراس = حصنن تصاهل مالجمتها رسوني
ماهي سواليف تهمس تهوماس= وشهو موديل الساعة والتيلفوني
لاشك ماتوا والزمن يضرس اضراس= دارت عليهم محتمين الركوني
سلومهم وفعولهم راس نبراس= واهل المابدي مثلهم ياصلوني
نار بعلم توضي وتقبس تقباس= دروس لهل العرف لو يعلموني
مادرسوها في ولايات تكساس= ولاقدموا فيها امتحان العفوني
شرح على مركى ودلة ومحماس = والدرس يبدا والعرب يفهموني
ماقال وجهات النضر في تعوكاس = ولا ادخلوا بالسالفه يقطعوني
ولاقال انا ابن فلان وفلان قرناس = وانا الطيّب والعرب يعرفوني
وفلان باق فلان وفلان بلاس= وفلان عازمهم ولا يعزومني
شي يخلي واعي الفكر يحتاس = ناسٍ على هرج الردا يحرصوني
يالله تجنبني الخبيثين الانجاس= اللي على فعل الردا يفروحني
لاصار معهم حاجتك لوقرطاس= واردا من القرطاس مايفزعوني
الله يقطع حاجةٍ من ورا الناس = لاصار معهم حاجتك يذخروني
مغنيني الله عنهم راس من ساس= وليا سعيت بشي مايمنعوني

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

الاخوه ابو فياض النويمي ووحيد الجزيرة شكراً لكم وصحت ابدانكم اتمنى ان تكون اعجبتكم هذه الكيبورديه
تحياتي لكم

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله لسانك وبيض الله وجهك

جزل لا عدمتك

تحياتي

اخوك

الاخوه الحب الباقي
وثامر الحربي صحت ابدانكم ولاهنتوا
وجزاكم الله خير على التواصل والتشجيع المستمر
تقبلوا تحياتي

ابدعت



صح الله لسانك



جميل انت دائماً



تحياتي

قصيده وافيه ومن راس وافي


لاهنت ولاهان هذا الحضور


تقبل تحيتي

الاخوه امير الحرف وماجد بن تركي صحت ابدانكم وبيض الله وجيهكم
وجودكم هنا شرف لي
تقبلوا تحياتي